ఇలియానా సినిమాలకు గుడ్‌బై చెప్పనుందా
అంటే... అవుననే బాలీవుడ్‌ వర్గాలు తెలియజేస్తున్నాయి. తన చెలికాడైన
ఆండ్రూని త్వరలో పెళ్లి చేసుకోవాలని నిర్ణయించుకున్నట్లు వాడిగా వార్తలు
వచ్చేశాయి. ఎంతగా వార్తలు వస్తున్నా... అదేమీ లేదని ఒకవైపు అంటూనే...
పెళ్లి అనేది జీవితంలో మరచిపోలేని భాగమని త్వరలో నిర్ణయం తీసుకుంటానని
వెల్లడిస్తోంది ఇలియానా.
అయితే పెళ్లి తర్వాత సినిమాలకు గుడ్‌బై
చెప్పనున్నట్లు కూడా ఆమె సన్నిహితులు తెలియజేస్తున్నారు. ఇండస్ట్రీలో
పెళ్లయిన తర్వాత నటిగా కొనసాగేవారు చాలా అరుదనీ, ఆ అవకాశం మళ్లీ వస్తే
తప్పకుండా చేస్తానని మాత్రం చెబుతుందని తెలియవచ్చింది.
ఇప్పటికి సినిమా రంగంలోకి వచ్చి పదేళ్ళు
పూర్తయింది. ఇప్పటికే చాలామంది కొత్తతరం వచ్చారు. అయినా ఆమె హవా
కొనసాగుతోంది. ఇప్పటికే ఆమె సన్నగా వుందనీ, డైటింగ్‌ చేస్తుందనీ, ఏవోవో
కథనాలు వస్తున్నాయి. వీటికి ఫుల్‌స్టాప్‌ పెట్టాలంటే తప్పనిసరిగా ఓ ఇంటిది
అవ్వాలనే ఆలోచనలో వున్నట్లు తెలుస్తోంది.
0 comments:
Post a Comment