బరువు తగ్గాలంటే ? "బస్సు, రైలు ప్రయాణం" చేయాలంట ?

లావుగా ఉన్నారా? ఏం చేసినా బరువు తగ్గకుండా అలానే ఉన్నారా? అయితే టూ వీలర్, ఫోర్ వీలర్‌లో ప్రయాణం చేయడానికి బ్రేక్ వేయాలంటున్నారు.. జపాన్ శాస్త్రవేత్తలు. లావుగా ఉన్నామని బాధపడకుండా.. అందమైన శరీరాకృతి పొందటానికి బస్సుల్లో, రైళ్లల్లో ప్రయాణించడం ఎంతో మంచిదని వారంటున్నారు. 

 

చెమటలు పట్టేలా వ్యాయామాలు చేయకుండా బరువు తగ్గాలంటే.. బస్సు, రైలు ప్రయాణం బెస్ట్ అని, బస్సులు, రైళ్లలో ప్రయాణించేవారు సులభంగా సన్నబడతున్నారని, కారు, బైకుల్లో ప్రయాణించే వారికంటే బస్సుల్లో ట్రావెల్ చేసేవారు 44 శాతం వరకు ఒబిసిటీకి దూరంగా ఉన్నారని జపాన్ శాస్త్రవేత్తలు అంటున్నారు. సాధారణంగా బరువు తగ్గాలనుకునే వారు రెండు మూడు కిలోమీటర్లు నడిచి.. ఆపై ఇల్లు చేరి విశ్రాంతి తీసుకుంటారు.

 

అదే ఆఫీసులకు వెళ్లి పనిచేసే వారు అధికంగా శ్రమపడతారని.. వారు ఇంటి నుంచి రైల్వే స్టేషన్‌కు, బస్టాండ్‌కు వెళ్లేందుకు నడుస్తున్నారని... వారికి నడిచే దూరమే తెలియదని.. తద్వారా ఆరోగ్యానికి ఎంతో మేలు జరుగుతుందని జపాన్ శాస్త్రవేత్తలు అంటున్నారు. తద్వారా బీపీ, షుగర్, హృద్రోగ వ్యాధుల నుంచి తప్పించుకుంటున్నారని వెల్లడించారు.