షూటింగ్ సమయాల్లో వివిధ రకాల ప్రమాదాలు చోటుచేసుకుంటుంటాయి. ఇలాంటి ప్రమాదాల్లో కొందరు మృత్యువాతపడుతుంటే.. మరికొందరు గాయాలతో ప్రాణగండం నుంచి బయపడుతుంటారు. అయితే, టాలీవుడ్‌కు చెందిన దర్శకుడు సుకుమార్ ఓ ప్రాణగండం నుంచి తప్పించుకున్నారు. ఆయన ప్రాణాలు రక్షించింది కూడా ఓ స్టార్ హీరోనే. ఆ హీరో ఎవరో కాదు అల్లు అర్జున్. తాజాగా వెలుగులోకి వచ్చిన ఈ వివరాలను పరిశీలిస్తే
సుకుమార్ నిర్మాణంలో "దర్శకుడు" అనే చిత్రం రూపొంద‌గా ఈ మూవీని ఆగ‌స్ట్ 4న విడుద‌ల చేయ‌నున్నారు. అయితే శనివారం సాయంత్రం ఈ మూవీ ప్రీరిలీజ్ వేడుక‌ని గ్రాండ్‌గా నిర్వ‌హించారు. ఈ కార్య‌క్ర‌మానికి అల్లు అర్జున్ ముఖ్య అతిథిగా హాజ‌ర‌య్యాడు. ఫంక్ష‌న్ ఆద్యంతంసాగుతుండ‌గా, సుకుమార్ 'ఆర్య' షూటింగ్ సమయంలో జ‌రిగిన సంఘ‌ట‌న చెప్పి అందరికి షాక్ ఇచ్చాడు.
'ఆర్య' సినిమా షూటింగ్ సమయంలో ప్ర‌మాద‌వ‌శాత్తు తాను పడవలోనుంచి నదిలో పడిపోయానని చెప్పాడు సుకుమార్. నాకు ఈత రాక‌పోగా , నేను ప‌డిపోవ‌డం చూసి అంతా షాక్‌కు గురై అందరూ అలాగే చూస్తుండిపోయారు. ఇక చివ‌రి క్ష‌ణాలు అవే అనుకుంటున్న సమయంలో అల్లు అర్జున్ నదిలో దూకి త‌న‌ని ర‌క్షించాడ‌ని గుర్తు చేశాడు. అందుకే ఆయ‌నే నా రియ‌ల్ హీరో అని సుకుమార్ ఉద్వేగ భ‌రితంగా చెప్పాడు.
0 comments:
Post a Comment