CSS Drop Down Menu

Tuesday, June 19, 2018

Microsoft Windows లో మొత్తం ఎన్ని వెర్షన్లు ఉన్నాయో మీకు తెలుసా?


మనం  రోజు వాడే కంప్యూటర్,లాప్టాప్ లో ఉండే Windows Os (Operating System) మొత్తం ఎన్ని  వెర్షన్లు  ఉన్నాయో ? అవి ఎప్పటి నుండి వచ్చినవో తెలుసుకోవాలని ఉందా ! ఐతే ఈ వీడియో చూసి తెలుసుకోండి.
ఈ వీడియో కనుక నచ్చితే like,share చేయండి. Subscribe చేయడం మాత్రం మర్చిపోకండి.



Wednesday, June 13, 2018

డయాబెటిస్ రోగులకు దివ్యౌషధం "కొర్రబియ్యం"

సాధారణంగా మనం తినే బియ్యం తెల్లగా ఉంటే బాగా ఇష్టపడతాము. అందుకు గాను బియ్యాన్ని ఎక్కువుగా పాలీష్ చేయటం వలన దానిలో ఉన్న పోషక విలువలు తగ్గిపోతాయి. తద్వారా అనేర రకాల ఆరోగ్య సమస్యలు తలెత్తుతున్నాయి. ఈ సమస్యను అధిగమించాలంటే చిరుధాన్యాలుగా పిలువబడే కొర్రలు ఆరోగ్యానికి ఎంతో మేలు చేస్తాయి.



1. వీటిలో పీచుపదార్ధం ఎక్కువుగా ఉండటం వలన ఇది మలబద్దక సమస్యను తగ్గిస్తుంది.

2. దీనిలో మాంసకృతులు, కాల్షియం, ఐరన్, మాంగనీస్, మెగ్నీషియం, ధైమిన్, రైబోఫ్లేవిన్ అధికపాళ్లలో ఉంటాయి. డయాబెటిస్ రోగులకు కొర్రబియ్యం దివ్యౌషధంలా పనిచేస్తుంది. ఇది రక్తంలో చక్కెర శాతాన్ని పూర్తిగా అదుపులో ఉంచుతుంది.

3. ఉదర సంబంధ సమస్యలకు కొర్రబియ్యం చక్కటి ఉపశమనం కలిగిస్తుంది. కడుపులో నొప్పి, ఆకలి లేకపోవడం, అజీర్తి సమస్యలకు ఇది చక్కగా పని చేస్తుంది. జీర్ణ నాళాన్ని శుభ్రం చేయడంలో ఇది ప్రముఖపాత్ర వహిస్తుంది. ఇది మూత్రం పోసేటప్పుడు మంటను తగ్గిస్తుంది.

4. గుండె జబ్బులు రాకుండా కాపాడుతుంది. అనేక ఆరోగ్య సమస్యలను కలిగించే గ్లుటెన్ కొర్రబియ్యంలో ఉండదు. ఊబకాయాన్ని తగ్గిస్తుంది. ఇది కొలెస్ట్రాల్‌ను అదుపులో ఉంచటంలో సహాయపడుతుంది.

5. కీళ్లనొప్పులను, జ్వరాన్ని తగ్గిస్తుంది. కాలిన గాయాలు త్వరగా మానటానికి ఉపయోగపడుతుంది. స్త్రీలలో రక్తస్రావాన్ని అదుపులో ఉంచుతుంది.

6. కొర్రలలో మాంసకృత్తులు, ఐరన్ శాతం ఎక్కువుగా ఉండటం వలన రక్తహీనతను తగ్గిస్తుంది. దీనిలో యాంటీ ఆక్సిడెంట్లు పుష్కలంగా ఉంటాయి.

కొర్రబియ్యం వండుకునే విధానం : ఒక గ్లాసు కొర్రలను శుభ్రంగా కడిగి రెండు గ్లాసులు నీరు పోసి ఒక గంట నానబెట్టాలి. నానబెట్టిన కొర్రబియ్యాన్ని కుక్కర్లో పెట్టి ఉడికించాలి. ఒకవేళ ఇలా తినలేకపోతే సగం బియ్యం, సగం కొర్రలు కలిపి వండుకోవచ్చు.

Monday, June 11, 2018

బీజేపీ ప్రధానమంత్రి అభ్యర్థిగా ప్రణబ్ ముఖర్జీ ?

దేశ రాజకీయాల్లో అనూహ్య పరిణామాలు చోటుచేసుకునేలా కనిపిస్తున్నాయి. ముఖ్యంగా, నాగ్‌పూర్ వేదికగా జరిగిన ఆర్ఎస్ఎస్ సమావేశానికి మాజీ రాష్ట్రపతి ప్రణబ్ ముఖర్జీ హాజరుకావడంతో పరిస్థితులు ఒక్కసారిగా మారిపోయాయి. భారతీయ జనతా పార్టీని శాసించే రాష్ట్రీయ స్వయంసేవక్ సంఘ్ దేశం దిగ్భ్రాంతి గొలిపే సంకేతాలను పంపినట్టు తెలుస్తోంది.

వచ్చే సార్వత్రిక ఎన్నికల్లో బీజేపీకి పూర్తి మెజారిటీ రాకుండా... కాంగ్రెస్‌ కూడా ఆధిక్యం సాధించలేకపోతే ఏం జరుగుతుంది? 'సంకీర్ణ సర్కారు' తప్పని పరిస్థితే తలెత్తితే అందరికీ ఆమోదయోగ్యమైన ప్రధానమంత్రి అభ్యర్థిగా ప్రణబ్ ముఖర్జీని బరిలోకి దించేలా ఆర్ఎస్ఎస్ వ్యూహం రచించనట్టు తెలుస్తోంది. శివసేన కూడా ఇదే అభిప్రాయం వ్యక్తంచేసింది. 

నెహ్రూ సిద్ధాంతాలను పూర్తిగా వంటపట్టించుకున్న ప్రణబ్‌కు ఆరెస్సెస్‌ ఆహ్వానం అంత సులువుగా తీసుకునే పరిణామంకాదని పేర్కొంది. దీనిపై శివసేన అధికార పత్రిక 'సామ్నా' శనివారం సంపాదకీయం రాసింది. '2019 ఎన్నికల్లో ఆధిక్యతను సాధించడంలో బీజేపీ విఫలమైతే... అందరికీ ఆమోదయోగ్యమైన అభ్యర్థిగా ప్రణబ్‌ ముఖర్జీ ప్రధాని కావొచ్చు' అని అభిప్రాయపడింది.

అలాగే, 'కాంగ్రెస్‌ ముక్త్‌ భారత్' అనే బీజేపీ నినాదంతో తాము ఏకీభవించడంలేదనే సందేశాన్ని ఆరెస్సెస్‌ పంపిందనే విశ్లేషణలు కూడా వెలువడుతున్నాయి. ప్రణబ్‌కు ఆహ్వానంలో సంకేతం ఇదేనని ఓ వార్తా చానల్‌ విశ్లేషించింది. 'కాంగ్రెస్‌ ముక్త్‌ భారత్‌ను కాకుండా... వారసత్వ సారథ్యంలేని కాంగ్రెస్‌నే ఆరెస్సెస్‌ ఆకాంక్షిస్తోంది. తాము కాంగ్రెస్‌కు వ్యతిరేకం కాదని, 'గాంధీ'ల వారసత్వానికి మాత్రమే వ్యతిరేమని ఆరెఎస్సెస్‌ సంకేతాలు పంపింది' అని పంపిందని తెలిపింది. 

అదేసమయంలో ఆరెస్సెస్‌ కార్యక్రమంలో పాల్గొనడంద్వారా ప్రణబ్‌ తాను స్వతంత్రుడినని, కాంగ్రెస్తో సంబంధాలను పూర్తిగా తెంచేసుకున్నానని చెప్పకనే చెప్పారు. ఆరెస్సెస్‌ ఆహ్వానాన్ని మన్నించడంపై కాంగ్రెస్‌ నేతలు బహిరంగంగా తప్పుపట్టినా ఆయన పట్టించుకోలేదు. కేంద్రంలో కాంగ్రెస్‌, బీజేపీయేతర ప్రభుత్వం ఉండాలని ఆకాంక్షిస్తున్న తృణమూల్‌ కాంగ్రెస్‌, తెలుగుదేశం, టీఆర్‌ఎస్‌ తదితర పార్టీలకు ప్రధానిగా ప్రణబ్‌ ఆమోదయోగ్యమైన అభ్యర్థి అవుతారని ఆ వార్తా చానల్‌ పేర్కొంది. మొత్తానికి ప్రణబ్ మరోమారు దేశ రాజకీయాల్లో కీలకంగా మారారు. 


Tuesday, June 5, 2018

శివునికి కూడా "దశావతారము"లున్నవన్న సంగతి తెలుసా ?

పరమ శివునికి అనేక నామములు ఉన్నవన్న విషయం మనందరికి తెలిసినదే. కానీ... అడిగిన వెంటనే వరాలిచ్చే భోళా శంకరుడు అయిన పరమ శివునకు కూడా విష్ణుమూర్తి వలె దశావతారములున్నవి. ఒక్కొక్క అవతారము ఒక్కొక్క ప్రయోజనం కలిగి ఉంటుంది. శతరుద్ర సంహితాలలో నందీశ్వరుడు, సనత్కుమారునకు ఈ ఈశ్వరావతారమును వివరిస్తాడు. ఆ అవతారాలు ఏమిటో ఇప్పుడు తెలుసుకుందాం.

1. శివుని ప్రధమ అవతారము మహాకాలుడు. మహాకాళి ఈ మహాకాలునికి భార్య. వీరిరువురు భక్తులకు భుక్తి, ముక్తిని ఇచ్చుచు వారి కోరికలను నెరవేర్చుచుందురు.

2. ఈశ్వరుని ద్వితీయ అవతారము తారకావతారము. తారకాదేవి ఈయన అర్థాంగి. వీరిని సేవించినవారు భక్తి, ముక్తులతో పాటు సమస్త శుభములను పొందుదురు.

3. ముక్కంటి తృతీయ అవతారము బాలభువనేశ్వరావతారము. బాలభువనేశ్వరి భువనేశ్వరుని అర్థాంగి. ఈ అవతారము సత్పురుషులకు సుఖములను కలిగించును.

4. శంకరుని చతుర్థ అవతారము షోడశ విద్యేశ్వరుడు. షోడశ విద్యేశ్వరి ఇతని ధర్మపత్ని. భక్తులకు సర్వ సుఖములను ప్రసాదించుట ఈ అవతార ప్రాశస్త్యము.

5. మహేశ్వరుని పంచమ అవతారము భైరవావతారము. భైరవి ఇతని భార్య. ఈ భైరవుడు ఉపాసనాపరులకు సర్వ కామ్యములను ఒనగూర్చును.

6. మంజునాధుని ఆరవ అవతారము భిన్నమస్త. ఈతని అర్థాంగి భిన్నమస్తకి. వీరీరువురు భక్తకామప్రదులు.

7. భోళా శంకరుని సప్తమ అవతారము ధూమవంతుడు. ధూమవతి ఇతని భార్య. వీరిరువురు భక్తకాభీష్టప్రదులు.

8. పరమ శివుని అష్టమావతారము బగళాముఖుడు. ఇతని అర్థాంగి బగళాముఖి. ఈమెకే మహానంద అని మరియొక పేరు కూడా కలదు. వీరు భక్తవాంఛాప్రదులు.

9. ఉమామహేశ్వరుని నవమావతారము మాతంగుడు. మాతంగి ఇతని భార్య. వీరీరువురు భక్తుల సర్వకాంక్షలను ఈడేర్చుచుందురు.

10. కైలాసవాసుని దశమావతారము కమలుడు. కమల ఇతని భార్య. వీరిరువురు భక్తపాలకులు. ఈ దశమావతారములు శివశక్తి మతోరభేదః అన్న సిద్ధాంతమును మనకు తెలియబరుచుచున్నవి. వికార రహితులై ఏకాగ్రతతో సేవించినవారికి సమస్త సుఖములు కలిగి సమస్త కోర్కెలు సిద్ధించును. 

ఈ అవతారములన్నియు తంత్ర శాస్త్ర గర్భితములు. ఈ దేవతా శక్తులు దుష్టులను దండించుచూ భక్తులకు బ్రహ్మతేజోభివృద్ధిని కలిగించుచుండును. శివ పర్వ దినములందు ఈ అవతారములను స్మరించినచో భక్తులు బ్రహ్మ వర్చస్సు కలవారైన విజయవంతులు, ధనాడ్యులు సుఖవంతులు అవుతారని నందీశ్వరుడు పలికెను.

Tuesday, May 29, 2018

2008 నుండి 2018 వరకు IPL క్రికెట్ లో విజేతలు ఎవరో తెలుసా?

IPL క్రికెట్ మ్యాచ్ లో ఇప్పటివరకు జరిగిన వాటిలో ఏఏ జట్లు ఎక్కువ  సార్లు విజేతలుగా నిలిచాయో తెలుసుకోవాలనుకొంటే ఈ క్రింది వీడియో చూడండి.  
ఈ వీడియో కనుక నచ్చితే like,share చేయండి. Subscribe చేయడం మాత్రం మర్చిపోకండి.






Friday, May 18, 2018

చిన్న పిల్లాడిలా ఏడ్చిన దర్శకుడు శంకర్ ! ఎందుకో తెలుసా ?



అపరిచితుడు చిత్రం వెనుక ఉన్న కష్టాన్ని తాజాగా స్టంట్ డైరెక్టర్ సిల్వ గుర్తు చేసుకున్నారు. షూటింగ్ సందర్భంలో జరిగిన ప్రమాదం వలన శంకర్ చిన్న పిల్లాడిలా ఏడ్చేశారని సిల్వ తెలిపాడు.

అపరిచితుడు చిత్రంలో యాక్షన్ సన్నివేశాలు విపరీతంగా ఆకట్టుకుంటాయి. ముఖ్యంగా మార్షల్ ఆర్ట్స్ ఫైట్ అయితే అద్భుతంగా ఉంటుంది. ఆ ఫైట్ చిత్రీకరణ సమయంలో జరిగిన అతి పెద్ద ప్రమాదాన్ని సిల్వ వివరించారు.





ఆ ఫైట్ కోసం దాదాపు 150 మంది స్టంట్ మేన్స్ ని ఉపయోగించాం. సినిమా మొత్తానికి ఆకర్షణగా నిలిచిన ఫైట్ అది. విక్రమ్ ఒక్కడే వారందరితో పోరాడే సన్నివేశాన్ని అద్భుతంగా చిత్రీకరించారు.

ఆ ఫైట్ చిత్రీకరణ సమయంలో దాదాపు 75 మంది స్టంట్ మెన్స్ గాల్లో ఎగరాల్సి ఉంటుంది. ఓ లారీకి తాడులు కట్టి వారంతా గాల్లో ఎగిరేలా ప్లాన్ చేసాం. శంకర్ యాక్షన్ చెప్పక ముందే డ్రైవర్ అనుకోకుండా లారీని కదిలించాడు. అప్పటికి స్టంట్ మెన్స్ సిద్ధంగా లేరు.

డ్రైవర్ చేసిన పొరపాటు వలన స్టంట్ మెన్స్ స్టేడియం టాప్ తగిలి కింద పడ్డారు. అందరికి గాయాలయ్యాయి. కొందరికి కంటి భాగంలో కూడా రక్తం కారింది. కొందరికి ఫిట్స్  కూడా వచ్చాయి . వేగంగా స్పందించడం వలన అందరిని రక్షించుకున్నాం అని సిల్వా తెలిపాడు.

దర్శకుడు శంకర్ ఆ సమయంలో చిన్న పిల్లాడిలా ఏడ్చేశారని సిల్వా తెలిపాడు. ఆయన్ని చూసి నేను కూడా తట్టుకోలేక పోయా అని సిల్వ తెలిపాడు. 2005 లో విడుదలైన ఈ చిత్రం విమర్శకుల ప్రశంసలు పొంది అఖండ విజయం సాధించింది.



Thursday, May 10, 2018

Saturday, May 5, 2018

ఇలాంటి కలెక్టర్ ని ఎప్పుడూ చూసి ఉండరు.

కలెక్టర్ అంటే ఇలా ఉండాలి అంటూ తన చేతల ద్వారా నిరూపిస్తున్నారు. తమిళనాడు రాష్ట్రంలోని కరూర్ జిల్లా కలెక్టర్. పేరు టి అన్బళగన్. తన కారు డ్రైవర్‌గా పని చేసి పదవీ విరమణ  పొందిన డ్రైవర్‌కు జీవితాంతం గుర్తుండిపోయేలా ట్రీట్ ఇచ్చారు. ఆ డ్రైవర్ దంపతులను తన కారులో కూర్చోబెట్టుకుని స్వయంగా వారి ఇంటి వద్ద దింపి వచ్చారు. ఈ దృశ్యాలను చూసిన స్థానికులు సైతం సంభ్రమాశ్చర్యాలు వ్యక్తంచేసారు. ఈ వివరాలను పరిశీలిస్తే...


కరూర్ జిల్లా కలెక్టర్‌ కారు డ్రైవర్‌గా పరమశివమ్ 35 యేళ్ళపాటు సేవలు అందించారు. ఆయన తాజాగా పదవీ విరమణ చెందారు. దీంతో ఆయన కోసం సరికొత్తగా ఏదైనా చేయాలని భావించిన కలెక్టర్ విధుల చివరి రోజు డ్రైవర్ పరమశివమ్, అతడి భార్యను కారులో ఎక్కించుకుని ఇంటి వద్ద దింపాలని నిర్ణయించుకున్నారు.

ఇందుకోసం పరమశివమ్ చివరి రోజు ఫేర్‌వెల్ పార్టీ ముగిశాక డ్రైవర్ దంపతులను స్వయంగా కారు వద్దకు తీసుకెళ్లిన కలెక్టర్ అన్బళగన్ కారు డోర్ తెరిచి వారిని వెనక సీట్లో కూర్చోబెట్టారు. అనంతరం తాను డ్రైవింగ్ సీట్లో కూర్చుని స్వయంగా డ్రైవ్ చేసుకుంటూ పరమశివమ్ ఇంటికి వెళ్లి దిగబెట్టారు. ఆ తర్వాత వారితో కొద్దిసేపు గడి.. వారిచ్చిన కాఫీ తాగి.. అక్కడ నుంచి తన కార్యాలయానికి వచ్చారు. ఇది చూసిన వారు పరమశివం 35 ఏళ్లపాటు అందించిన సేవలకు కలెక్టర్ సరైన గుర్తింపు ఇచ్చారని ప్రశంసించారు.

Wednesday, May 2, 2018

పడుకుంటామంటే వద్దంటారా ? ప్రకాష్‌ రాజ్ సంచలన వ్యాఖ్యలు!

తెలుగు సినీపరిశ్రమలో క్యాస్టింగ్ కౌచ్ పైన తీవ్ర స్థాయిలో చర్చ జరుగుతున్న విషయం తెలిసిందే. శ్రీరెడ్డి అనే నటి క్యాస్టింగ్ కౌచ్‌ను తెరపైకి తీసుకువచ్చి తెలుగు సినీపరిశ్రమ మొత్తాన్ని రోడ్డుపైకి లాగిన విషయం తెలిసిందే. సినిమాల్లో అవకాశాలు రావాలంటే డైరెక్టర్లు, నిర్మాతలతో పడుకోక తప్పదంటూ శ్రీరెడ్డి చేసిన వ్యాఖ్యలు పెద్ద దుమారాన్నే రేపాయి. 

ఆ తరువాత శ్రీరెడ్డి వ్యవహారంపై ఒక్కొక్కరు ఒక్కో విధంగా మాట్లాడారు. ఇదే విషయంపై తాజాగా నటుడు ప్రకాష్‌ రాజ్ చేసిన వ్యాఖ్యలు తీవ్ర చర్చనీయాంశంగా మారుతున్నాయి. అవకాశాల కోసం డైరెక్టర్లు, నిర్మాతలు నటీమణులను పడుకోమని ఎక్కడా చెప్పరు. ఒకవేళ చెప్పినా అందరూ ఒప్పుకుంటారా? ఒప్పుకోరు కదా. 

అంతేకాదు కొంతమంది మేమే పడుకొంటాం మాకు అవకాశం ఇస్తారా అంటూ బ్రతిమలాడుతారు. ఏ మగాడైనా కోరి మరీ పడుకుంటామని అంటే వద్దనే వారు ఉన్నారా. ఎవరూ వద్దనుకోరు. వచ్చిన అవకాశాన్ని వాడుకుంటారు. అంతేతప్ప కొంతమంది దీనిపై చేస్తున్న రాద్దాంతం అనవసరం. దీనిపైన మాట్లాడాల్సిన అవసరం లేదంటూ సంచలన వ్యాఖ్యలు చేశారు ప్రకాష్‌ రాజ్.


Wednesday, April 25, 2018

పవన్ ను మీడియా దూరం పెడుతుందా ?

జనసేన అధినేత పవన్ కళ్యాణ్ మీడియాపై యుద్దం ప్రకటించిన సంగతి తెలిసిందే. తనపై వ్యక్తిగత దూషణలు చేసినందుకుగాను ఆఖరికి ఏ సంబంధం లేని విషయంలో తన తల్లిని సైతం దూషించి దానిపై పలు ఛానళ్లలో గంటల కొద్దీ డిబెట్లు పెట్టినందుకుగాను పవన్ తీవ్ర ఆగ్రహం వ్యక్తం చేస్తూ పలు ఛానళ్లపై మండి పడ్డారు. అంతేకాదు ఆ ఛానళ్లను బ్యాన్ చేయమని చూడొద్దని తమ అభిమానులకు సైతం పిలుపునిచ్చారు. ఆరు నెలలుగా నన్ను తిట్టీ,తిట్టీ ఇప్పుడు ఆఖరికి మా తల్లి దగ్గరకు వచ్చారా ? ఇప్పుడు నేను మీకు ఇస్తాను న్యూస్ అంటూ ఆరోజు నుండి  ఈరోజు వరకూ తన ట్విట్టర్ ఖాతా ద్వారా మీడియా వార్ చేస్తున్నారు. అంతేకాదు పలు ఛానళ్ల పేర్లు ఈ రాజకీయ కుట్ర వెనుక కొంత మంది ఉన్నారంటూ వారి పేర్లు కూడా బయట పెట్టారు. ఇంకా పలు సంచలన ట్వీట్లు పెడుతూనే ఉన్నారు.

అయితే ఇప్పుడు మీడియా పవన్ పై యుద్దం ప్రకటించిందా ? అంటే అవుననే సంకేతాలే వినిపిస్తున్నాయి. తెలుగు టీవీ చానళ్లన్నీ ఆయనపై అనధికార బహిష్కరణ వేటు వేయాలనే నిర్ణయానికి వచ్చినట్లు ప్రచారం జరుగుతోంది. మీడియాపై యుద్ధం ప్రకటించి ట్విట్టర్ లో అదే పనిగా ఆరోపణలు చేస్తూ ఏవేవో వీడియోలు పెడతానంటూ బెదిరింపులకు పాల్పడుతున్న పవన్ కల్యాణ్ వ్యవహారాన్ని  లైట్ తీసుకోవాలని మీడియా సంస్థలు నిర్ణయించుకున్నాయట. ఇక నుంచి పవన్ రాజకీయాన్ని, ఆయన మాటలను పట్టించుకోకూడదని డిసైడయ్యాయట. పవన్ కల్యాణ్ ను పట్టించుకోకపోతే సమస్య పరిష్కారమవుతుందని టీవీ చానళ్ల యజమానులందరూ నిర్ణయించుకున్నారట. దీంతో పవన్ కల్యాణ్ ఇక ఏ ఛానల్ లో కనపించరు ఆయన మాట ఏ ఛానల్ లో వినిపించదు అని అంటున్నారు. మరి మీడియా తీసుకున్న ఈ నిర్ణయంతో ట్విట్టర్, తన యూట్యూబ్ చానల్ లో మాత్రమే  తన గురించి ప్రచారం చేసుకోవాల్సి ఉంటుంది. మరి చూద్దాం ఎన్ని రోజులు మీడియా పవన్ ను దూరం పెడుతుందో ?

Monday, April 16, 2018

ఆ "సింగర్ పాడితే కరెన్సీ నోట్ల వర్షం" కురుస్తుంది! ఎక్కడో తెలుసా ?

గుజరాత్ లోని నవ్ సారి ప్రాంతానికి  ఆ సింగర్ సుపరిచితుడు. కిర్తి దాన్ గద్వీ అనే ఆయన హార్మోనియం వాయిస్తూ కీర్తనలు పాడుతుంటే అంతా ఫిదా అయిపోయి కరెన్సీ నోట్ల వర్షం కురిపిస్తారు. స్టేజీ అంతా నోట్లతో నిండిపోతుంది. ఆయన గళ మాధుర్యమే అంత ! తాజాగా కిర్తి దాన్ పాడిన కీర్తనలకు ఎప్పట్లాగే ప్రేక్షకులు సమ్మోహితులయ్యారు. ఒక అమ్మాయి అయితే స్టేజీపైనే నిలబడి తన చేతిలోని నోట్లకట్ట నుంచి ఒక్కో నోటునూ కిందికి విసిరితే.. ఓ చిన్నారి తనూ తీసిపోలేదని కరెన్సీ కట్టనుంచి నోట్లను జారవిడిచింది. యూఎన్ఐ విడుదల చేసిన ఈ వీడియోలో ఈ ‘ కరెన్సీ సంగీత ‘ ప్రపంచాన్ని చూడవచ్చు.




Friday, April 13, 2018

టెక్ ప్రపంచంలో సరికొత్త విప్లవం?వాయిస్ అసిస్టెంట్!

టెక్ ప్రపంచంలో మెల్లిగా దూసుకువెళుతున్న వాయిస్ అసిస్టెంట్ ఫీచర్ రానున్న కాలంలో అత్యంత పాపులర్ కానుంది. అందులో భాగంగా గూగుల్ సరికొత్త వ్యూహాలతో ముందుకు దూసుకోస్తోంది. దానికి తగ్గట్లుగా సరికొత్త టెక్నాలజీని అందుబాటులోకి తీసుకువస్తోంది. 

గూగుల్ వాయిస్ అసిస్టెంట్ ఫీచర్ తో పాటు పాటలు, అలాగే ఆన్ లైన్ స్ట్రీమ్స్ సర్వీసులను అందించే విధంగా గాడ్జెట్లను రెడీ చేస్తోంది. అమెజాన్ ఈకో ఇప్పటికే మార్కెట్లో ఇలాంటి ఫీచర్లను అందిస్తున్న నేపథ్యంలో గూగుల్ కూడా సరికొత్త గాడ్జెట్లతో ముందుకొచ్చింది. హోమ్ బేస్డ్ స్మార్ట్ స్పీకర్లను గూగుల్  దేశీయ మార్కెట్లోకి విడుదల చేసింది.



గూగుల్ హోమ్ పేరుతో ఉన్న స్పీకర్ ధర రూ.9,999. గూగుల్ హోమ్ మినీ ధర రూ.4,499. గూగుల్ హోమ్ బరువు 477 గ్రాములు. పవర్ అడాప్టర్ తో పాటు వస్తుంది. 142.8 ఎంఎం పొడవు, 96.4 ఎంఎం వ్యాసార్థంతో ఉండే స్పీకర్ ఆండ్రాయిడ్, ఐవోఎస్ పరికరాలకు అనువుగా ఉంటుంది. గూగుల్ అసిస్టెంట్ సాయంతో వాయిస్ ఆధారితంగా పనిచేస్తుంది.

'హే గూగుల్' లేదా 'ఓకే గూగుల్' అని చెబితే చాలు పనిచేస్తుంది. వైఫై ద్వారా ఈ స్పీకర్ ను కనెక్ట్ చేసుకోవచ్చు. పవర్ అడాప్టర్ సాయంతో ప్లగ్ కు అనుసంధానం చేసి మాత్రమే వాడుకోగలరు. అంతేకాదు దీంతో ఇంటిని స్మార్ట్ గా మార్చుకోవచ్చు. స్మార్ట్ లైట్లు ఉంటే 'ఓకే గూగుల్.. స్విచ్ ఆన్ లైట్స్' అని చెబితే చాలు లైట్లు ఆన్ అవుతాయి. గూగుల్ హోమ్ యాప్ ద్వారా ఇంట్లోని స్మార్ట్ పరికరాలను కనెక్ట్ చేసుకోవాల్సి ఉంటుంది. ఈ స్పీకర్లకి లైట్లతో కూడిన ఇండికేషన్స్ ఉంటాయి. వాయిస్ కంట్రోల్ చేసుకునే సమయంలో ఈ లైట్లు సహకర్తిస్తాయి. గ్రే అండ్ వైట్ కలర్స్లో ఇవి యూజర్లకు అందుబాటులో ఉంటాయి. ఈ స్పీకర్లకి మ్యూట్ ఆప్సన్ అలాగే ఇతర ఫీచర్ల కూడా ఉన్నాయి. గూగుల్ అలారం కూడా సెట్ చేసుకోవచ్చు. మీ దైనందిన కార్యకలాపాలకు ఈ స్పీకర్ లో ఉండే అలారం బాగా ఉపకరిస్తుందని గూగుల్ చెబుతోంది. మరిన్ని వివరాలు కోసం ఈ క్రింది లింకులపై క్లిక్ చేయండి.

Google Home:- http://fkrt.it/HSnMpLuuuN 

Google Home Mini:- http://fkrt.it/rmbx02NNNN 


Thursday, April 12, 2018

ఏపికి వచ్చిన రూ. 40 వేల కోట్లలో, రూ.38వేల కోట్ల నగదు అదృశ్యం ?


ఆర్బిఐ నోట్ల రద్దు అనంతరం కొత్త నోట్లు పంపిణీ చేయడం మొదలు పెట్టిన నాటి నుంచి గత నెల మార్చి వరకూ ఏపికి వచ్చిన మొత్తం రూ. 40 వేల కోట్లు. అయితే ఆ నగదులో ఇప్పుడు రాష్ట్రంలో ఉన్న బ్యాంకులన్నింటిలో కలిపి సుమారు 2000 కోట్ల డబ్బు మాత్రమే ఉందని తెలుస్తోంది. మరైతే..మిగతా ఆ డబ్బు రూ.38,000 కోట్ల నగదు ఏమైంది?...సహజంగా ఈ విషయం తెలియగానే అందరికీ వచ్చే డౌటే ఇది!. ఇప్పుడు అచ్చంగా అదే డౌట్ ఆర్బిఐ అధికారులకు వచ్చిందట. ఇటీవల ఆంధ్రప్రదేశ్ లో ఎటిఎంలో డబ్బు రాక బ్యాంకుకు వెళితే నగదు లభించక ప్రజలు నానా ఇక్కట్లు పడుతూ బ్యాంకులను,ప్రభుత్వాలను తిట్టిపోస్తున్న సంగతి తెలిసిందే. దీంతో ఈ విషయం తెలిసిన ఆర్బీఐ దేశంలో అన్ని రాష్ట్రాల కంటే ఎక్కువగా ఎపికే డబ్బును పంపామని, అయినా అక్కడే నగదు కొరత రావడం ఏమిటంటూ ఆశ్చర్యపోయారట. అందుకే అసలేం జరిగిందో తెలుసుకునేందుకు విచారణ కోసం ఎపికి రానున్నారట.


రాష్ట్రవ్యాప్తంగా తమ ఖాతాల్లోని నగదు డ్రా చేసుకునేందుకు ఎపి ప్రజల పడుతున్న పాట్లు అన్నీ ఇన్నీ కావు. ఏ వూరులో చూసినా సుమారు 90 శాతం ఎటిఎం లు పనిచేయవు. ఆ పనిచేసే ఎటిఎంలకు లెక్కలేనంత మంది కస్టమర్ల తాకిడి. పోనీ బ్యాంకు నుంచి తీసుకుందామా అంటే...అచ్చం నోట్ల రద్దు నాటి పరిస్థితులను తలపిస్తూ నగదు రేషన్. ఇక ప్రత్యామ్నాయ మార్గాలన్నీ బంద్. ఇవీ సంక్షిప్తంగా ఆంధ్రప్రదేశ్ లో ప్రజలు ఎదుర్కొంటున్న నగదు కష్టాలు.

ఈ నేపథ్యంలో ఆంధ్రప్రదేశ్ ప్రజల నగదు కష్టాలు తెలియజేసి రాష్ట్ర ప్రభుత్వం తక్షణ నగదు అవసరాల కోసం రూ.13 వేల కోట్లు పంపాలని ఆర్బీఐని గట్టిగా కోరిందట. దీనిపై వారు లెక్కలు తీసి చూసి ఎపి ప్రభుత్వంపై అసహనం వ్యక్తం చేసినట్లు మీడియాలో వార్తలు వచ్చాయి. అయితే ఈ వ్యవహారం అంతటితో ఆగిపోలేదని తాజా సమాచారం బట్టి తెలుస్తోంది. ఎపి నుంచి నగదు కోసం ఒత్తిడి వచ్చిన నేపథ్యంలో ఎపికి పంపిన నగదు లెక్కలు చూసిన ఆర్బిఐ అధికారులు ఒక విషయం కేంద్రానికి నివేదించారట.

కానీ రాష్ట్రవ్యాప్తంగా బ్యాంకుల్లో కేవలం 2300 కోట్ల రూపాయల నగదే ఉందని, ఆ డబ్బును అటు బ్యాంకుల్లో ఇచ్చేందుకే ఉంచాలో...లేక ఎటిఎంలో పెట్టాలో అర్థం కావడం లేదని ప్రభుత్వానికి తెలిపాయట. ఇదే విషయం ఆర్బిఐ దృష్టికి వెళ్లేసరికి నోట్ల రద్దు అనంతరం డబ్బు పంపడం ప్రారంభించిన నాటి నుంచి గత నెల మార్చి వరకు ఎపికి 40 వేల కోట్ల రూపాయల నగదు పంపించామని, ఎపి బ్యాంకులు చెబుతున్న ప్రకారం 2300 కోట్ల నగదే ఉంటే మరి మిగతా 37,700 కోట్ల నగదు ఏమైందని సహజంగానే సందేహపడ్డారట. అందుకే ఈ వ్యవహారం ఏంటో తేల్చాలని నిర్ణయించుకున్నారట.

అసలే రాష్ట్ర ప్రభుత్వానికి, కేంద్రానికి మధ్య వైరం తీవ్రస్థాయికి చేరిన నేపథ్యంలో ఎపిలో ఇలా డబ్బుల లెక్కలు తేడా వచ్చాయనేసరికి కేంద్ర ఆర్థిక శాఖ కూడా ఈ ఈ విషయంపై క్షేత్ర స్ధాయి వరకూ వెళ్లి ఏం జరుగుతుందో క్షణ్ణంగా దర్యాప్తు చేయాలంటూ ఆర్బిఐని ఆదేశించిందట. దీంతో అతి త్వరలో ఆర్బిఐ అధికారులు రాష్ట్రానికి వచ్చి దర్యాప్తు మొదలుపెట్టనున్నట్లు ఢిల్లీ స్థాయిలో వార్తలు వినిపిస్తున్నాయి. ఎపిలో ఒక వైపు వైసిపి...మరోవైపు బిజెపి రాష్ట్రంలో నగదు అధికార పార్టీ నేతలు దోచేసి దాచేశారని ఆరోపిస్తున్న నేపథ్యంలో ఆర్భిఐ అధికారులు రంగంలోకి దిగనుండటం అత్యంత ప్రాధాన్యత సంతరించుకోనుంది. అయితే ఆర్బిఐ నిజంగానే క్షేత్రస్థాయిలో విచారణ జరిపితే ఎపిలో అదృశ్యమైన నగదు ఆచూకి కనిపెట్టడం అంత కష్టమేమీ కాదంటున్నారు...అయితే వీటి పర్యవసానాలు ఎలా ఉంటాయోనని పలువురు అప్పుడే ఆందోళన చెందుతున్నారట.





Saturday, April 7, 2018

"టాకింగ్ టామ్" పాడిన "దారిచూడు, దుమ్ముచూడు మామా" అనే పాట!

కృష్ణార్జునయుద్ధం సినిమాలోని టాకింగ్ టామ్ పాడిన "దారిచూడు, దుమ్ముచూడు మామా" అనే పాటను చూసి ఆనందించండి.ఈ వీడియో కనుక నచ్చితే like,share చేయండి. Subscribe చేయడం మాత్రం మర్చిపోకండి. 




Friday, April 6, 2018

"శృంగార సామర్థ్యాన్ని" పెంచే సులువైన చిట్కాలు !

 యుక్త వయసులో ఉన్నవారికి మానసిక ఒత్తిడి, తీసుకునే ఆహారం వల్ల శృంగారంలో సమస్యలు ఎదురవుతుంటాయి. అయితే ఈ సమస్యను మనకు దొరికే కొన్ని వస్తువుల ద్వారా తగ్గించుకోవచ్చు. అవేంటంటే...

1. పొద్దుతిరుగుడు విత్తనాలు: ఈ విత్తనాలలో ఉండే జింక్ మగవారిలో వీర్యవృద్ధిని కలిగిస్తుంది. అంతేకాకుండా శృంగార వాంఛను కలుగజేస్తుంది.

2. కిస్‌మిస్ : వీటిని ఆవునెయ్యిలో వేయించి తినడం వల్ల శృంగార సామర్థ్యం పెరగడంతో పాటు శృంగారం పట్ల కోరికను కలుగజేస్తుంది. ఇవే కాకుండా దానిమ్మ, అరటిపండు, మునగకాయ, మునగాకు, క్యారెట్, పుచ్చకాయ లాంటివి తరచుగా తీసుకోవడం వల్ల వీర్యకణాలు వృద్ధి చెంది శృంగార సామర్థ్యం పెరుగుతుంది. దానిమ్మరసంలో కొంచెం నిమ్మరసం కలిపి ఉదయాన్నే తాగితే మంచిది. అల్లం రసంలో ఉప్పు కలిపి తాగాలి.

3. పుచ్చకాయలో సహజంగానే శృంగార పటుత్వాన్ని పెంచే లక్షణం ఉంది. దీనిని తరచుగా తీసుకోవడం వల్ల శృంగార సమస్యలు తలెత్తవు. మునగపూలు భార్యాభర్తలిద్దరూ పాలల్లో కలుపుకుని తాగడం వల్ల శృంగార వాంఛ కలుగుతుంది. 

4. గుమ్మడి విత్తనాలు : ఇందులో బీటాకెరోటిన్ ఎక్కువగా ఉంటుంది. శరీరానికి కాలరీలు అందిస్తుంది. కళ్లకు, చర్మానికి ఎంతో మేలు చేస్తుంది. ఇందులో విటమిన్-సి ఎక్కువగా లభిస్తుంది కనుక శృంగార సామర్థ్యాన్ని బాగా పెంచుతుంది. రోజువారి ఆహారంలో వీటిని చేర్చుకోవడం వల్ల శృంగార సమస్యను తగ్గించుకోవచ్చు.

Tuesday, April 3, 2018

సింహాచలం ఆలయం లో హీరో 'నితిన్" దొంగతనం ?




వైజాగ్ లోఛల్ మోహన్ రంగ  ప్రమోషన్ కార్యక్రమాలని ముగించుకున్నా తర్వాత నితిన్ లక్ష్మి నరసింహస్వామి ఆశీస్సుల కోసం సింహాచలం ఆలయానికి వెళ్లారు. స్వామివారిని దర్శించుకునే సందర్భంలో నితిన్ కు వింత అనుభవం ఎదురైంది.


ఆలయంలో లక్ష్మి నరసింహ స్వామి వారి ఉంగరం పోయిందని, నితిన్ దొంగిలించాడంటూ ఆలయ అర్చకులు అతడిపై నింద వేశారు. దీనితో నితిన్ ఖంగారు పడిపోయాడు. తాను తీయలేదని కావాలంటే చెక్ చేసుకోండి అంటూ నితిన్ కోరాడు.


తాను ఉంగరం తీయలేదని నితిన్ చెబుతున్నా అర్చకులు బంధించారు. హీరోగా మంచి పేరు సంపాదించిన మీరు స్వామివారి ఉంగరం దొంగిలించడం ఏంటి.. మర్యాదగా ఆ ఉంగరాన్ని ఇచ్చేయండి  అంటూ అర్చకులు నితిన్ ని నిలదీశారు. నేను తీయలేదు మొర్రో అంటున్నావినిపించుకోలేదు. అనుమానం ఉన్న మరి కొంత మందిని కూడా అర్చకులు బంధించి ఎక్కడకి కదలడానికి వీల్లేదని ఆదేశించారు.నితిన్ తో సహా బందీలుగా ఉన్న వారంతా ఏం జరుగుతుందో అర్థం కాక కంగారు పడుతూ కనిపించారు.

ఆలయ అర్చకులు ఎట్టకేలకు ఉంగరం దొరికిందని ప్రకటించడంతో బందీలుగా ఉన్న వారంతా ఊపిరిపీల్చుకున్నారు. అర్చకులు అసలు విషయం చెప్పడంతో నితిన్ సహా బందీలుగా ఉన్న  వారి  ముఖాల్లో చిరునవ్వులు విరిశాయి. అసలు అక్కడ దొంగతనమే జరగలేదు. ప్రతి ఏడాది స్వామివారికి సింహాద్రి అప్పన్న కల్యాణ ఉత్సవాల్లో భాగంగా చివరిరోజు వినోద ఉత్సవం నిర్వహిస్తారు. అందులో భాగంగానే స్వామివారి ఉంగరం పోయిందంటూ కొంత మంది భక్తులని ఆటపట్టిస్తారు. ప్రతి ఏడాది జరిగే ఈ తంతులో ఈ సారి నితిన్ కూడా భాగమయ్యాడు.








Saturday, March 31, 2018

"రంగులు" మారే వినాయకుడు !

మన భారతదేశంలో వున్న ఆలయాలు ఎంతో ప్రసిద్ధి చెందినవి. మన దేశంలో తమిళనాడులో చాలా ఎక్కువగా ఆలయాలు వున్నాయి. అందుకే తమిళనాడు రాష్ట్రాన్ని "టెంపుల్ స్టేట్" అంటారు. ఇందులో కేరళాపురం గ్రామం కన్యాకుమారికి దగ్గరలో వుంది. కేరళాపురం పురాతన ఆలయాలకు ప్రసిద్ధి.ఎక్కువగా శివాలయాలు వున్నాయి.

 ఈ శివాలయంతో పాటు పురాతన వినాయకుని ఆలయం వుంది. ఈ దేవాలయంలో 6నెలలకు ఒక సారి మూలవిరాట్ అయిన వినాయకుడు రంగులు మారటం ఇక్కడ విశేషం. మార్చి నుండి ఆగస్ట్ వరకు నల్లని రంగులో,ఆగస్ట్ నుండి ఫిబ్రవరి వరకు తెల్లనిరంగులో వినాయకుడు మారుతూవుంటాడు.

ఆలయంలోని ప్రాంగణంలో వున్న బావిలోని నీరు కూడా రంగు మారుతుంది. వినాయకుడు నల్ల రంగులో వున్నప్పుడు నీళ్ళు తెల్లగాను, వినాయకుడు తెల్లగా వున్నప్పుడు నీళ్ళు నల్లగానూ మారతాయి. ఇందుకు గల కారణాలు ఇప్పటి వరకూ తెలియదు.

ఏ కోరికతోనైనా భక్తులు ఈ స్వామికి కొబ్బరికాయ గానీ, బియ్యపుమూట గానీ, ముడుపుగా చెల్లిస్తే వారి కోరిక తప్పకుండా నెరవేరుతుందనేది ఎవరూ కాదనలేని నిజం.

రోడ్డు మార్గం : కన్యాకుమారి జిల్లాలోని అన్ని ప్రాంతాల నుండి 32 కి. మీ ల దూరంలో ఉన్న తక్కలై వరకు బస్సులు తిరుగుతాయి. అక్కడి నుండి సమీపాన ఉన్న కేరళపురం ఆలయం వరకు రోడ్డు మార్గం ద్వారా చేరుకోవచ్చు.

కన్యాకుమారి రైల్వే స్టేషన్ చేరుకొని, బస్సులలో లేదా టాక్సీ ఎక్కి ఆలయానికి చేరుకోవచ్చు. 


Wednesday, March 28, 2018

బొద్దింకగా పుట్టినా నా "కోరిక" తీరేదేమో అంటున్న యేసుదాస్ !

ప్రముఖ గాయకుడు యేసుదాస్.. బొద్దింకగా పుట్టివుంటే బాగుండేదని ఆవేదన వ్యక్తం చేశారు. ఎందుకంటే? యేసుదాస్ రోమన్ కేథలిక్ కుటుంబంలో పుట్టినప్పటికీ హిందూ సంప్రదాయాలనే పాటిస్తారు. హిందూ దేవుళ్ల మీద పాటలు పాడటమే కాకుండా పలు దేవాలయాలను సందర్శిస్తుంటారు. అందులో భాగంగా అయ్యప్పమాలను కూడా ధరించి శబరిమలకు వెళుతుంటారు యేసుదాస్. 

కానీ తనకు ఇష్టమైన శ్రీకృష్ణుడి దర్శనం గురువాయూర్‌లో లభించకపోవడమే యేసుదాస్ ఆవేదనకు ప్రధాన కారణమైంది. గురువాయూర్‌లో ఉన్న తన ఇష్ట దైవమైన శ్రీకృష్ణుడిని దర్శించుకునే అదృష్టం తనకు లేకుండా పోయిందని యేసుదాస్ ఆవేదన వ్యక్తం చేశారు. 

అదే ఏదైనా క్రిమికీటకంగా పుట్టింటే ఈపాటికే ఎప్పుడో స్వామిని దర్శించుకొని సంతోషపడే వాడినని తెలిపారు. కాగా గురువాయూర్‌లో అన్యమతస్థులకు ప్రవేశం లేదు. అక్కడికి యేసుదాస్ వెళ్లినా దేవాలయం బయటే శ్రీకృష్ణుడి భక్తి పాటలు పాడి వచ్చేసేవారు. కాగా అయ్యప్పస్వామిపై యేసుదాస్ పాడిన హరివరాసనం పాట ఎంత పాపులర్ అయ్యిందో అందరికీ తెలిసిందే.

Tuesday, March 27, 2018

రజనీకాంత్ సినిమాలలోని టైటిల్ కార్డ్స్ !

రజనీకాంత్ సినిమాలలోని టైటిల్ కార్డ్స్ చూసినంతనే ప్రేక్షకుల ఆనందానికి అవధులుండవు.అలాంటి టైటిల్ కార్డ్స్ "అన్నామలై" సినిమా నుంచి "కబాలి" సినిమా వరకు ఈ క్రింది వీడియోలో చూసి ఆనందించండి.ఈ వీడియో నచ్చితే like చేయడం మాత్రం మర్చిపోకండి.  



Thursday, March 22, 2018

"అన్న ముఖ్యమంత్రి" అయితే "చెల్లిది టీ దుకాణం" ! ఎక్కడో తెలుసా?

అన్న అతిపెద్ద రాష్ట్రానికి ముఖ్యమంత్రి. అతని చెల్లెలు మాత్రం ఓ మారుమూల గ్రామంలో టీ కొట్టుపెట్టుకుని తమ కుటుంబాన్ని భారాన్ని మోస్తోంది. ఇంతకీ ఆ ముఖ్యమంత్రి, ఆ చెల్లెలు ఎవరో తెలుసా? ఉత్తరప్రదేశ్ రాష్ట్ర ముఖ్యమంత్రి యోగి ఆదిత్యనాథ్. అతని చెల్లెలు శశిపాయల్. ఉత్తరాఖండ్ రాష్ట్రంలోని కోఠార్ అనే గ్రామంలో చిన్నపాటి టీ దుకాణం పెట్టుకుని కుటుంబాన్ని పోషిస్తోంది. 

తన అన్న దేశంలోనే అతిపెద్ద రాష్ట్రానికి ముఖ్యమంత్రి అయ్యాడనే భావన ఆమెకు ఏమాత్రం లేదు. పైగా, ఆయన వద్దకు వెళ్లి ఏదేనా సాయం పొందాలన్న ఆలోచన అస్సలు లేదు. వారిని చూసి ఇరుగుపొరుగువారు ఆశ్చర్యం వ్యక్తం చేస్తున్నారు.

కాగా యోగి తన రాజకీయ వ్యవహారాల్లో కుటుంబ సభ్యులకు ఏమాత్రం స్థానం కల్పించలేదు. యోగి ఆదిత్యనాథ్ సోదరి శశిపాయల్ ఈరోజుకీ ఉత్తరాఖండ్‌లోని కోఠార్ గ్రామంలో చిన్న దుకాణంలో టీ విక్రయిస్తూ కుటుంబాన్ని నెట్టుకరావడమే ఇందుకు నిదర్శనం. 

గ్రామంలోని పార్వతి మందిరం సమీపంలో తన భర్త పూరన్‌సింగ్‌తో పాటు ఈ దుకాణం నిర్వహిస్తున్నారు. ఈ దుకాణంలో పూజా సామగ్రి కూడా విక్రయిస్తుంటారు. ఆమె తన సోదరుడు యోగిని 2017 ఫిబ్రవరిలో కలుసుకున్నారు. 

ఇటీవల ఒక ఇంటర్వ్యూలో శశిపాయల్ మాట్లాడుతూ 'నా సోదరులందరి స్వభావం వైవిధ్యంగా ఉంటుంది. మా నాన్నే అందరినీ కష్టపడిపెంచారు. అయితే యోగి పెద్దయ్యాక అందరికీ సేవ చేస్తానని చెప్పేవాడు. అప్పుడు ఆ మాటను తేలికగా తీసుకున్నాం. ఇప్పుడు అది నిజమైంది అని చెప్పుకొచ్చింది. 

Wednesday, March 21, 2018

అమెరికన్ పాప్ సింగర్ "గోల్డ్ డ్రెస్" డిజైనర్ ఎవరో తెలుసా ?

అమెరికన్ పాప్ సింగర్, బ్యూటీ బియాన్స్ లాస్ ఏంజిలిస్ లో మెరిసింది. ఓ అవార్డు వేడుకలో తళుక్కుమన్న ఈమె బంగారు కాస్ట్యూమ్స్ లో మిలమిలలాడుతూ కనిపించగానే అంతా చప్పట్లే చప్పట్లు. తమ కళ్ళముందు అప్సరసలా కనిపించిన బియాన్స్ ని అలాగే రెప్ప వాల్చకుండా చూస్తూ ఉండిపోయారంతా! ఇంతకీ ఈ అమ్మడు ధరించిన గోల్డ్ డ్రెస్ డిజైన్ చేసిందెవరో కాదు భారతీయ డిజైనర్లు ఫల్గుణి,షేన్ పీకాక్.




Wednesday, March 14, 2018

అత్యాచారం చేయబోయిన డ్రైవర్ కే తిరిగి ఉద్యోగం ఇచ్చిన యాంకర్ ఎవరో తెలుసా ?

బుల్లితెర యాంకర్ రేష్మి గురించి పెద్దగా పరిచయం చేయనక్కర్లేదు. జబర్దస్త్ షోతో బాగా ఫేమస్ అయిన రేష్మి ఆ తరువాత సినిమాల్లో కూడా నటించింది. అంతేకాదు వరుస ఆఫర్లతో ఇప్పుడు ముందుకు దూసుకెళుతోంది. బుల్లితెరకు పరిచయం కాకముందు రేష్మి ఎన్నో బాధలు పడ్డారట. తినడానికి తిండి లేక తల్లి అనారోగ్యంతో ఉంటే ఆసుపత్రికి తీసుకెళ్ళలేక నరకయాతనను అనుభవించారట. అయితే కొన్నిరోజుల తరువాత జబర్దస్త్‌లో అవకాశం రావడం ఆ తరువాత సినిమాల్లోను మెల్లగా నిలదొక్కుకోవడంతో రేష్మి సమస్యలు కాస్త తీరాయట.




కానీ కొన్నినెలల క్రితం మాత్రం ఒక సినిమా షూటింగ్‌కు నంద్యాలకు వెళ్ళేటప్పుడు ఆమె కారు డ్రైవర్ అత్యాచార యత్నానికి ప్రయత్నించాడట. దీంతో రేష్మి గట్టిగా కేకలు పెట్టడంతో డ్రైవర్ కారు దిగి వెళ్ళిపోయాడట. ఆ తరువాత  కొన్నిరోజుల క్రితం తిరిగి ఆ కారు డ్రైవరే కనిపించి రేష్మిని ఉద్యోగం అడిగారట. 

తన భార్యకు బాగా లేదని, అనారోగ్యంతో ఉందని, మీరు దయతలిస్తే కానీ నా పరిస్థితి బాగుండదని చెప్పాడట. దీంతో రేష్మి మనస్సు కరిగిపోయి అతన్నే డ్రైవర్‌గా పెట్టుకోవడంతో పాటు లక్ష రూపాయల డబ్బులు కూడా ఇచ్చిందట. కష్టం గురించి తెలిసి మరో వ్యక్తి కష్టపడకుండా ఉండేందుకు రేష్మి చేసిన సహాయంపై అందరూ పొగడ్తలతో ముంచెత్తుతున్నారు.


Monday, March 12, 2018

రంగస్థలం లో "టాకింగ్ ఏంజెలా" పాడిన పాట!

రంగస్థలం లో "రంగమ్మ మంగమ్మ" పాటని టాకింగ్ ఏంజెలా పాడితే ఎలా ఉంటుందో ఈ వీడియో చూసి ఆనందించండి.ఈ వీడియో నచ్చితే like చేయడం మాత్రం మర్చిపోకండి.  



Saturday, March 10, 2018

రజనీయా మజాకా! కుక్కకు కళ్లుతిరిగే ఆఫర్ ?

సాధారణంగా సినీ నటీనటులకు, క్రికెటర్లకు కళ్లు తిరిగే ఆఫర్లు వరిస్తుంటాయి. మూగజీవులకు మాత్రం కడుపునిండా తిండి పెట్టడమే గగనమవుతున్న ఈ రోజుల్లో ఓ శునక రాజాకు కళ్లు తిరిగే ఆఫర్ వరించింది. దీనికి బలమైన కారణం లేకపోలేదు. 


తమిళ సూపర్ స్టార్ రజనీకాంత్ తాజా చిత్రం "కాలా". ఇందులో ఓ కుక్క కీలక పాత్ర పోషించింది. దీంతో ఆ కుక్క క్రేజ్ అమాంతం పెరిగిపోయింది. రజనీకాంత్‌తో కలిసి నటించడం వల్ల ఈ కుక్కకి భారీస్థాయిలో డిమాండ్ పెరిగిపోయింది.

ఈ అంశంపై ఆ కుక్క ట్రైనర్ స్పందిస్తూ.. 'చెన్నైలోని ఓ రోడ్డుపై ఓ కుక్క కనిపించింది. దీన్ని పట్టుకుని 'మణి' అనే పేరు పెట్టి ట్రైనింగ్ ఇచ్చాం. "కాలా" చిత్రం కోసం ఓ కుక్క కావాల్సి రావడంతో దర్శకుడు పా.రంజిత్ అనేక కుక్కలను పరిశీలించిన తర్వాత మణిని ఎంపిక చేసుకున్నాడు. 

నిజానికి రజనీ‌సార్‌కి ఈ కుక్క అంటే చాలా ఇష్టం. షూటింగ్ జరిగినన్నినాళ్లు ఆయన దానిని ఎంతో ప్రేమగా చూసుకున్నారు. దాని కోసం ప్రత్యేకమైన బిస్కట్లు తెచ్చేవారు. ఇప్పుడు ఈ కుక్కను కొనడానికి రూ.2 కోట్ల నుంచి రూ.3 కోట్ల వరకూ ఇస్తామంటూ ఆఫర్లు వస్తున్నాయి. కానీ నేను దీనిని అమ్మదలచుకోలేదు. ఎందుకంటే నేను దీన్ని ఓ బిడ్డలా చూసుకుంటున్నాను అని చెప్పుకొచ్చాడు. 

Friday, March 9, 2018

"బుడగ"లతో అబ్బురపరిచే బొమ్మలు

జపాన్ కు చెందిన కళాకారుని చేతిలో ఆశ్చర్యం కలిగించే రీతిలో,మీరు ఇంత వరకు చూడని  బుడగలతో  చేసిన అద్భుతమైన జంతువులు,పక్షులు,కీటకాలు మరియు జలచరాల బొమ్మలు  చూడాలనుకుంటే ఈ క్రింది వీడియో తప్పక చూడండి.ఈ వీడియో మీకు నఛ్చి నట్లైతే like  చేసి subscribe చేసుకోండి.      


Tuesday, March 6, 2018

నిద్ర పట్టాలంటే ఏం చేయాలో తెలుసా? అంటున్న ఏపీ ముఖ్యమంత్రి !

మంచిగా నిద్ర పట్టాలంటే ఏం చేయాలో తెలుసా? బయట కాసేపు తిరిగి గట్టిగా అరిచి ఇంటికి వెళ్లి పడుకుంటే మంచిగా నిద్ర పడుతుందట. ఇంతకీ ఈ విషయం చెప్పింది ఎవరనుకుంటున్నారా...? ఎవరో కాదు ఏపీ ముఖ్యమంత్రి చంద్రబాబు నాయుడు. ఈ రోజు ఉండవల్లిలోని తన నివాసంలో చంద్రబాబు  'పలకరింపు' పోస్టర్ ను ఆవిష్కరించారు. ఈ సందర్భంగా ఆయన మాట్లాుడుతూ... ఎప్పుడూ ఇంట్లోనే ఉండకుండా రోజులో కాసేపు బయట తిరగాలని, ఆ సమయంలో ఉల్లాసంగా, ఉత్సాహంగా గడపాలని అన్నారు. అంతేకాదు...ప్రతి ఒక్కరూ కాసేపైనా ఆనందంగా ఉండాలన్న ఉద్దేశంతోనే 'హ్యాపీ సండే' కార్యక్రమానికి రూపకల్పన చేశానని, రోడ్లపై డ్యాన్సులు వేస్తుంటే చూసి ఆనందింవచ్చని అన్నారు. బయటకు వచ్చి కాసేపు గట్టిగా అరచి ఆపై ఇంటికి వెళితే, ఉత్సాహంగా ఉంటుందని, రాత్రి పూట మంచిగా నిద్ర పడుతుందని చెప్పారు. బంగారం, వజ్రాలను ధరిస్తే ఆనందం రాదని, ఆరోగ్యంగా ఉంటే ఆనందంగా ఉన్నట్టేనని అన్నారు.


Wednesday, February 28, 2018

ఈ లక్షణాలు ఉంటే "కిడ్నీ" విషయంలో జాగ్రత్త పడాల్సిందే !

ప్రస్తుత కాలంలో అనారోగ్య సమస్యలు అధికమవుతున్నాయనే విషయం అందరికి తెలిసిందే. అందుకే ప్రతి ఒక్కరు ఆరోగ్యం పట్ల జాగ్రత్త తీసుకోవాలి. ముఖ్యంగా మన శరీరంలో కిడ్నీలు చాలా ప్రధానమైనవి. కిడ్నీలు రక్తాన్ని ఫిల్టర్ చేస్తాయి. జీర్ణవ్యవస్థ నుండి వచ్చే వ్యర్థాలను అదనపు ద్రవాలను బయటకు పంపిస్తాయి. రక్తపోటు మరియు ఎలక్ట్రోలైట్ స్థాయిలను నియంత్రిస్తాయి. అంతేకాక ఎర్రరక్తకణాలను ఉత్పత్తి చేస్తూ ఆరోగ్యకరమైన ఎముకలకు భరోసా కలిగిస్తాయి. గుండె సంబంధిత వ్యాధులు, షుగర్, క్యాన్సర్‌లానే కిడ్నీ సమస్యలు కూడా భయంకరంగా ఉంటాయి. అయితే కిడ్నీ సమస్యను ముందుగా గుర్తించడం ఎలా?

1. చిన్నచిన్న అజాగ్రత్తల వల్ల కూడా కిడ్నీ సమస్యలు వస్తాయి. మూత్రవిసర్జనకు కిడ్నీలకు సంబంధం ఉన్నది. అందువల్ల మూత్రం రంగు మారినా, మూత్రం అసాధారణంగా ఉన్నా కిడ్నీ సమస్య ఉన్నట్లు గుర్తించాలి.

2. కిడ్నీలు సరిగా పనిచేయకపోతే వ్యర్థాలను శుభ్రపరిచే ప్రక్రియ అస్తవ్యస్తమవుతుంది. ఫలితంగా ఆ వ్యర్థాలు రక్తంలో కలుస్తాయి. దాంతో నోట్లో చెడు రుచి కలుగుతుంది.

3. కిడ్నీలు పూర్తిగా చెడిపోతే రుచి సామర్థ్యం మరియు ఆకలి బాగా తగ్గిపోతుంది. తరచుగా వికారం మరియు వాంతులు వస్తాయి. ఇది రక్తంలో వ్యర్థాల ఫలితంగా జరుగుతుంది. ఈ వికారం ఆకలిని తగ్గిస్తుంది.

4. కిడ్నీలు ఎరిత్రోపయోటిన్ అనే హార్మోన్‌ని ఉత్పత్తి చేస్తాయి. అవి శరీరంలో ఆక్సిజన్ సరఫరా చేసే ఎర్రరక్తకణాలను ఉత్పత్తి చేస్తాయి. ఒకవేళ కిడ్నీల పనితీరు తగ్గితే ఎర్రరక్తకణాల ఉత్పత్తి మీద ఆ ప్రభావం పడుతుంది. అలసట మరియు మెదడుకు సంబందించిన ఆరోగ్య సమస్యలు వస్తాయి. తీవ్రమైన సందర్భంలో రక్తహీనత వస్తుంది. కిడ్నీలు ఉండే వీపు భాగంలో నొప్పి ఎక్కువగా ఉంటుంది. ఇది కిడ్నీలు చెడిపోయినప్పుడు కనపడే సాధారణ సంకేతం.






5. ఈ నొప్పితో పాటు కీడ్నీలో ఇన్‌ఫెక్షన్లు, రాళ్లకు కూడా కారణమవుతుంది. వాతావరణం వేడిగా ఉన్నప్పుడు కూడా చల్లగా ఉన్న ఫీలింగ్ ఉంటుంది. ఇది కిడ్నీలు సరిగా పనిచేయడం లేదనడానికి సంకేతమని వైద్యనిపుణులు చెబుతున్నారు.

Monday, February 26, 2018

జంతువుల గర్భావధి కాలం



Monday, February 12, 2018

"శృంగార సామర్ధ్యం" పెంచే సులువైన చిట్కా!

శృంగార సామర్ధ్యం పెంచే వాటిలో మునగకాయ ముఖ్యమైనదన్న విషయం తెలిసిందే. ఆడ, మగ ఇద్దరూ ప్రతిరోజు లేదా రెండు రోజులకొకసారైనా మునగకాయను, మునగాకుని కూరలాగా చేసుకుని తినడం వల్ల శృంగార విషయంలో మంచి ఫలితం ఉంటుంది. మునగ తరువాత శృంగార సామర్ధ్యాన్ని పెంచేది ఖర్జూరం. ఎండు ఖర్జూరం లేదా సాధారణ ఖర్జూరం ఏదైనా మనిషిలో అద్భుతాలను సృష్టిస్తాయి. మనిషి శరీరానికి సత్వరమైన శక్తిని ప్రసాదిస్తుందని డాక్టర్లు ఖర్జూరాన్ని తినమని సిఫారస్ చేస్తున్నారు. అనారోగ్యంతో ఉన్నప్పుడు, నీరసంతో ఉన్నప్పుడు, రక్తం పెరుగుదలకు, రక్తప్రసరణ బాగా ఉండేందుకు ఖర్జూరం బాగా పని చేస్తుంది. 




ఎండు ఖర్జూరం లేదా సాధారణ ఖర్జూరం పండును తేనెలో రెండు గంటల పాటు నానబెట్టి ఆ తరువాత తింటే అద్బుతమైన శృంగార సామర్ధ్యం చేకూరుతుందని నిపుణులు చెబుతున్నారు. ముఖ్యంగా ప్రతిరోజు రెండు ఖర్జూరాలు తేనెలో నానాబెట్టి  తీసుకోవడం వల్ల వారం నుండి పది రోజుల్లో శీఘ్రస్కలనం సమస్యకు గుడ్ బై చెప్పి భాగస్వామికి సంతోషం కలిగించేలా శృంగారంలో పాల్గొనవచ్చని నిపుణులు చెబుతున్నారు. దీనిని నిపుణులు ప్రయోగం చేసి నిరూపితం చేసినది. శృంగార సామర్ధ్యం పెంచుకోవడానికి లేనిపోని మందులు వాడి ఆరోగ్యాన్ని పాడుచేసుకునేకంటే ఖర్జూరం తినడం వల్ల సామర్ధ్యం పెరగడంతో పాటు ఆరోగ్యానికి అన్నివిధాల మంచిది.


  

Saturday, February 10, 2018

సిల్క్ స్మితతో చేయకపోవడానికి కారణం ఇదే? అంటున్న డ్యాన్స్ మాస్టర్ శివశంకర్ !

అందాల తార సిల్క్ స్మిత గురించి ప్రత్యేకంగా చెప్పనక్కర్లేదు. స్మిత అందానికి ఫిదా కాని వారంటూ వుండరు. అప్పట్లో సినీ ఇండస్ట్రీలో ఐటమ్ గర్ల్‌గా తన హవాను కొనసాగించిన సిల్క్ స్మితతో ఏర్పడిన విభేదాల గురించి డ్యాన్స్ మాస్టర్ శివశంకర్ నోరు విప్పారు. సిల్క్ స్మిత అందమైన ఆర్టిస్టని తనకు నచ్చిన తారల్లో ఆమె కూడా వున్నారన్నారు. 




అయితే సిల్క్ స్మిత మంచి పేరు తెచ్చుకున్నాక సొంతంగా డ్యాన్స్ మాస్టర్లను తయారు చేసుకుందని చెప్పారు. ముఖ్యంగా పులిగిరి సరోజను ఆమె రిఫర్ చేస్తుండేదని ఒక వేళ డేట్స్ సర్దుబాటు కాక తనలాంటి వారిని పెడితే, స్మిత సరిగ్గా చేసేది కాదని చెప్పుకొచ్చారు. 

బాలకృష్ణ నటించిన భలే తమ్ముడు సినిమాలో స్మితతో పాట అనుకున్నాం. కానీ రిహార్సల్స్ ముగిశాక తనతో చేయనని అడ్వాన్స్ వెనక్కి ఇచ్చేసిందని అప్పటికే ఆ పాటకు మంచి స్టెప్స్ అనుకున్నాం. కానీ ఆమె వెనక్కి తగ్గడంతో స్మితకు తాను దూరమయ్యానని శివశంకర్ అన్నారు. స్మిత స్థానంలో జయమాలిని బాలయ్య సినిమాకు తీసుకున్నామని తెలిపారు. 



Friday, February 9, 2018

"తక్కువ వయస్సు" ఉన్నవారిలా కనిపించాలని ఉందా? ఐతే ఇవి తినండి.

1. పెసల్లో పోషకాలు మెండుగా ఉంటాయని, ఆరోగ్యానికి మంచిదని తెలిసిందే. మొలకల్లో ఎంజైములూ, యాంటీ ఆక్సిడెంట్లూ మరింత ఎక్కువగా లభ్యమవుతాయి. అందుకే ఇటీవల వీటిని చాలమంది మొలకెత్తించి తింటున్నారు. అయితే వీటిని మొలకల రూపంలోనో లేదా ఉడికించి... ఎలా తిన్నా కాలేయం, జుట్టు, గోళ్లు, కళ్ల ఆరోగ్యాన్ని పెంపొదిస్తాయని ఆయుర్వేదం పేర్కొంటుంది.



2. క్యాలరీలు తక్కువ పీచు ఎక్కువగా ఉండటంతో కొంచెం తిన్నా పొట్ట నిండినట్లనిపిస్తుంది. ఫలితంగా ఊబకాయం తగ్గుతుంది. 

3. పెసల్ని క్రమంతప్పకుండా తినేవాళ్లు తమ నిజ వయసుకన్నా పదేళ్లు తక్కువుగా కనిపిస్తారు. ఎందుకంటే వీటిలో అధిక కాపర్ వల్ల చర్మం ముడతలు పడకుండా ఉంటుంది.

4. అజీర్తి, జీవక్రియా లోపంతో బాధపడేవాళ్లకు పెసలు మందులా పనిచేస్తాయి. కొలెస్ట్రాల్‌నూ తగ్గిస్తాయి. వీటిల్లోని క్యాల్షియం ఎముక నిర్మాణానికి దోహదపడుతుంది. సోడియం దంతాలు, చిగుళ్ల సమస్యల్నీ నివారిస్తుంది. బీపీ రోగులకు ఇవి మంచిదే. 

5. పెసల్లోని ఐరన్ వల్ల అన్ని అవయవాలకీ ఆక్సిజన్ సమృద్ధిగా అందుతుంది. ఫలితంగా ఏకాగ్రత, జ్ఞాపకశక్తి... తదితర లోపాలతో బాధపడేవాళ్లకి ఇవి ఎంతో మేలు చేస్తాయి. రోగ నిరోధకశక్తిని పెంచుతాయి. వీటిల్లోని విటమిన్లు, హర్మోన్లను ప్రేరేపించడంతో పిల్లల్లో పెరుగుదలకి తోడ్పడతాయి.

Thursday, February 8, 2018

"ఉరి"పై తీర్పు ఇచ్చాక పెన్నుపాళీని ఎందుకు విరిచేస్తారు?

భారతీయ శిక్షాస్మృతిలో ఉరి అనేది అత్యంత పెద్ద శిక్ష. ఇటువంటి శిక్ష విధించిన తర్వాత జడ్జి తన పెన్ను పాళీ(నిబ్)ని విరిచేస్తారు. ఈ దృశ్యం చాలా సినిమాల్లో కనిపిస్తుంటుంది. ఇలాచేయడం వెనుక రాజ్యాంగంతో ముడిపడిన ఒక కారణం ఉందట. 

ఒకసారి నిర్ణయం లిఖించిన తర్వాత జడ్జికి సైతం ఈ నిర్ణయాన్ని మార్చేందుకు అధికారం ఉండదు. దీనికితోడు జడ్జి చేతుల మీదుగా ఒక జీవితానికి ముగింపు పలికిన పెన్ను మరోమారు వినియోగించేందుకు ఉపకరించదట. అందుకే ఉరిశిక్షను ఖరారు చేస్తూ ఇచ్చిన తీర్పు రాసిన పెన్ను పాళీని జడ్జి విరిచేస్తారట. 


Tuesday, February 6, 2018

కంప్యూటర్ లేదా లాప్టాప్ లో "ఫోల్డర్స్ కి మీ ఫోటోలని" ఎలా పెట్టుకోవాలో తెలుసా?

మీ కంప్యూటర్ లేదా లాప్టాప్ లో ఫోల్డర్స్ కి మీ ఫోటోలని గాని, మీకు నచ్చిన ఫోటోలను  గాని పెట్టుకొని మీ కంప్యూటర్ కి సరికొత్త లుక్ తెచ్చి మీ ఫ్రెండ్స్ ని ఆశ్చర్యచకితుల్ని చేయండి.ఈ విధంగా మీరు చేయాలంటే తప్పకుండా ఈ వీడియో చూడండి.నచ్చినట్లయితే "Like" ఇచ్చి "subscribe" చేసుకోండి.అలాగే మీ ఫ్రెండ్స్ కు ఈ వీడియో షేర్ చేయండి. 


Friday, February 2, 2018

మగజాతి "అంతరించి"పోతుందా ?

త్వరలోనే మగజాతి అంతరించిపోయే దిశగా సాగుతోందని యూనివర్సిటీ ఆఫ్‌ కెంట్‌ పరిశోధనలో తేలింది. పురుషుల పుట్టుకకు కీలకమైన 'వై' క్రోమోజోమ్‌ క్రమంగా కుచించుకుపోతోందని వారి పరిశోధనలో వెల్లడైంది. 



సాధారణంగా ప్రతి మనిషికీ ప్రతికణంలోనూ 23 జతల (46) క్రోమోజోములుంటాయి. వాటిలో 22 జతలు ఆటోజోమ్స్‌. మిగిలిన ఒక్క జత.. ఎక్స్‌, వై క్రోమోజోములు. వీటినే సెక్స్‌ క్రోమోజోమ్స్‌ అని పిలుస్తారు. తల్లి కడుపులో ఉన్న పిండం తాలూకూ లింగాన్ని నిర్ధారించేవి ఇవే. రెండు ఎక్స్‌లు కలిస్తే ఆడపిల్ల.. ఎక్స్‌, వై క్రోమోజోములు కలిస్తే మగపిల్లాడు పుడతారు. అలాంటి 'వై' క్రోమోజోమ్‌ ఇపుడు గతంతో పోలిస్తే బాగా కుచించుకుపోతోందట. 

దీనిపై శాస్త్రవేత్తలు ఏమంటున్నారంటే... తొలినాళ్ల క్షీరదాల్లో ఎక్స్‌, వై క్రోమోజోములు ఒకే పరిమాణంలో ఉండేవి. ఎక్స్‌ క్రోమోజోములో ఉన్న అన్ని జన్యువులూ 'వై'లోనూ ఉండేవి. అయితే, 'వై' క్రోమోజోములో ఉన్న ప్రాథమిక లోపం ఏమిటంటే.. మిగతా అన్ని క్రోమోజోములూ రెండు కాపీలు ఉంటే (జతలుగా).. ఒక్క 'వై' క్రోమోజోమ్‌ మాత్రమే 'సింగిల్‌ కాపీ' ఉంటుంది. తండ్రి నుంచి కొడుక్కి వస్తుంది. సాధారణంగా తరాలు గడిచేకొద్దీ జన్యు ఉత్పరివర్తనాలు (జీన్‌ మ్యుటేషన్స్‌) జరుగుతుంటాయి.

అయితే, ‘వై’ క్రోమోజోముకు జెనెటిక్ రీకాంబినేషన్ సౌలభ్యం లేకపోవడంతో దానిలోని జన్యువులు తగ్గిపోతూ అది కుచించుకుపోవడం ప్రారంభించింది. ఇది ఇలాగే కొనసాగితే మరో 46 లక్షల సంవత్సరాలకు.. భూమ్మీద మగవాళ్లే లేకుండా అంతరించిపోతారని కెంట్‌ వర్సిటీ పరిశోధకులు అంచనా వేస్తున్నారు.

Monday, January 29, 2018

ట్రంప్ 200 సంవత్సరాలపాటు జీవిస్తాడా ?

అమెరికా అధ్యక్షుడు డొనాల్డ్ ట్రంప్‌ గురించి డైట్ హౌస్ వైద్యుడు రోనీ జాక్సన్ నివేదిక ఇచ్చారు. ట్రంప్ శరీరంలో అద్భుతమైన జన్యువులు వున్నాయని ఆయన తెలిపారు. ట్రంప్ మానసికంగా, శారీరకంగా ఫిట్‌గా ఉన్నారని.. జాక్సన్ వెల్లడించారు. ట్రంప్ అధ్యక్షుడయ్యాక మొదటిసారిగా జాక్సన్ ఆయనకు వైద్య పరీక్షలు నిర్వహించారు. ఈ సందర్భంగా ట్రంప్‌కు 200 సంవత్సరాల పాటు జీవించే అనుకూలతలు ఉన్నాయని షాకింగ్ నిజాన్ని చెప్పారు.



ట్రంప్ ఆహార మెనూనూ మెరుగ్గా మార్చి ఉంటే 200 ఏళ్లపాటు నిక్షేపంలా జీవించేందుకు అవకాశం ఉండేదన్నారు. మానసిక పరీక్షలో భాగంగా కాగ్నిటివ్‌ను పరీక్షిస్తే.. 30కి 30 మార్కులొచ్చాయి. కానీ కొంత మేర మేధస్సు అతనిలో క్షీణించింది. దీన్నే అల్జీమర్స్‌గానూ పేర్కొంటారని చెప్పుకొచ్చారు. కానీ ట్రంప్ ఎంతో చురుకైన వారని.. ఆయన ఆలోచన శక్తి విషయంలో తనకు ఎలాంటి సందేహం లేదని పేర్కొన్నారు.

Saturday, January 27, 2018

"కుటుంబానికి చెడ్డ పేరు వచ్ఛేలా ఎందుకు మాట్లాడారంటున్న" మంచులక్ష్మి!

నాన్నా.. ఒక టివి ఛానల్ ఇంటర్వ్యూలో ఎందుకు అలా మాట్లాడారు. మీరు అలా మాట్లాడినందుకు మన మంచు కుటుంబానికి చెడ్డ పేరు వచ్చినట్లు నాకు అనిపిస్తోంది. ఎక్కడికి వెళ్ళినా మీ డాడి ఎందుకు అలా మాట్లాడారంటూ నన్ను ప్రశ్నిస్తున్నారు. నాకేం అర్థం కావడం లేదు నాన్నా. ఆ టివి యాంకర్‌కు అడగడం తెలియదనుకోండి. అంతేగాని మీరెందుకు అంత ఆవేశపడ్డారంటూ మంచు లక్ష్మి తండ్రి మంచు మోహన్ బాబును ప్రశ్నించిందట. 

గత మూడురోజుల క్రితం ఒక ఇంటర్వ్యూలో మోహన్ బాబు 95 శాతం మంది రాజకీయనాయకులందరూ రాస్కెల్స్ అంటూ తీవ్రస్థాయిలో విమర్శించారు. నాకు తెలిసి ఒక్క ఎన్‌టిఆర్ మాత్రమే నిజమైన రాజకీయ నాయకుడు. లంచం అంటే ఏంటో ఆయనకు అస్సలు తెలియదంటూ మోహన్ బాబు చెప్పారు. ఎన్‌టిఆర్ విషయం పక్కన బెడితే మిగిలిన రాజకీయ నాయకులను ఉద్దేశించి మోహన్ బాబు చేసిన వ్యాఖ్యలు ఇప్పుడు పెద్ద దుమారాన్నే రేపుతున్నాయి.

ఎవరు ప్రశ్నించినా ఒప్పుకోని మోహన్ బాబు తన కుమార్తె మంచులక్ష్మి ప్రశ్నిస్తే మాత్రం మెల్లగా సమాధానం చెప్పారట. ఎందుకంటే మంచులక్ష్మి అంటే మోహన్ బాబుకు అంత ఇష్టమట. నా గురించి నీకు తెలుసు కదమ్మా.. ఆ యాంకర్ అడిగిన ప్రశ్న నన్ను బాధించింది. అందుకే అలా సమాధానం చెప్పాను.. అని మోహన్ బాబు అన్నారట.


Monday, January 22, 2018

భారతదేశ రాష్ట్రాలు! వాటి రాజధానులు!!




Flipkart Republic Day Sale
https://goo.gl/492Tof 

Amazon Great Indian Sale
http://amzn.to/2Dwi6pQ

Tuesday, January 16, 2018

మస్కిటో కాయిల్స్‌ను వెలిగిస్తున్నారా? ఐతే తప్పకుండా జాగ్రత్త పడాల్సిందే !

ధూమపానం ఆరోగ్యానికి హానికరమంటారు. కానీ ఇక్కడ దోమల చక్రం  వెలిగిస్తే ఆరోగ్యానికి మరింత హానికరం అంటున్నారు వైద్య నిపుణులు. సిగరెట్లు కాల్చడం కన్నా ఒక మస్కిటో కాయిల్‌ను వెలిగిస్తే ఊపిరితిత్తులలోకి అది చొరబడి శ్వాసకోశ సంబంధింత వ్యాధులకు దారితీస్తుందని వైద్యులు హెచ్చరిస్తున్నారు. ఇదే విషయం కొంతమంది వైద్యుల పరిశోధనలో వెల్లడైంది. 




శ్వాసకోస వ్యాధి ఒక్కటే కాదు నాడీ వ్యవస్థ దెబ్బతిని చివరకు కంటిచూపును కోల్పోవాల్సిన పరిస్థితి ఏర్పడుతుందని హెచ్చరిస్తున్నారు. మస్కిటో కాయిల్స్‌ను వెలిగించడం కన్నా ఫ్యాన్ వేసుకుని దుప్పటి కట్టుకుని నిద్రించడం ఎంతో ఉత్తమమని వైద్య నిపుణులు చెపుతున్నారు. పిల్లలపై ఈ దోమల కాయిల్ ప్రభావం మరింత ఎక్కువగా ఉంటుందని వారు హెచ్చరిస్తున్నారు.

Monday, January 15, 2018

సంక్రాంతి శుభాకాంక్షలు


Saturday, January 13, 2018

మీ కళ్ళను కంప్యూటర్ కాంతి నుంచి రక్షించుకోవడానికి సులువైన మార్గం !


కంప్యూటర్ ముందు ఎక్కువ సేపు పనిచేసేవారికి కళ్ళకు హాని కలగకుండా ఉండాలంటే ఈ క్రింది వీడియోలో చూపిన విధంగా చేసినట్లైతే కళ్ళకు ఎటువంటి హాని కలగవు . 


Wednesday, January 10, 2018

థాయ్‌లాండ్ లో మొదలైన కొత్త ట్రెండ్ ! అక్కడ మగవాళ్ళంతా ఏం చేస్తున్నారో తెలిస్తే....

థాయ్‌లాండ్ మగాళ్లలో కొందరు ఇటీవలి కాలంలో ఓ సర్జరీ కోసం ఎగబడుతున్నట్లు తేలింది. తమ భాగస్వాములను తృప్తి పరిచేందుకు తమ శరీరం ఎంత తెల్లగా వుంటుందో దానికి సమానంగా తమ పురుషాంగం కూడా తెల్లగా మెరిసిపోవాలంటూ అంగానికి వైటనింగ్ సర్జరీలు చేయించుకుంటున్నారు. ఇప్పటికే ఇలాంటి కేసులు 100 దాకా నమోదైనట్లు తేలింది.

విషయం తెలుసుకున్న ఆరోగ్య శాఖ ఉలిక్కిపడింది. వెంటనే ఇలాంటి సర్జరీలు చేయించుకుంటున్నవారికి హెచ్చరికలు జారీ చేసింది. ఎట్టి పరిస్థితుల్లోనూ అంగానికి వైటనింగ్ శస్త్రచికిత్సలు చేయించుకోవద్దనీ, ఈ ఆపరేషన్ చేయించుకోవడం వల్ల అంగం ఇన్ఫెక్షన్ సోకడంతో పాటు పిల్లలు పుట్టకుండా పోయే ప్రమాదం కూడా వున్నట్లు తెలిపింది. 

ఐతే థాయ్ లాండ్‌లో పురుషాంగాన్ని వైటనింగ్ చేయడం ద్వారా ఆకర్షణీయంగా తీర్చిదిద్దుతామంటూ ప్రకటనలు వెలుస్తున్నాయి. దీనిపై అక్కడి ప్రభుత్వం సీరియస్ అయ్యింది. కానీ ఆపరేషన్లు చేయించుకునే మగవారి సంఖ్య మాత్రం పెరుగుతూనే వున్నట్లు చెపుతున్నారు.

Monday, January 8, 2018

బాబు, జగన్‌ల మధ్య రహస్య ఒప్పందం ?

వై.ఎస్. కాంగ్రెస్ పార్టీ అధినేత వై.ఎస్.జగన్మోహన్ రెడ్డి, టిడిపి అధినేత నారాచంద్రబాబు నాయుడుల మధ్య గత కొన్నిరోజులుగా మాటల యుద్ధం తగ్గిపోయింది. ఒకవేళ ఆరోపణలు చేసుకున్నా అర్థవంతమైన ఆరోపణలు తప్ప, అనవసరమైన విమర్శలు అస్సలు చేసుకోవడం లేదు. ఇటీవల జగన్ పుట్టినరోజు వేడుక సమయంలో చంద్రబాబు నాయుడు పెట్టిన ట్వీట్‌తో జగన్ స్పందించిన తీరు అందరినీ ఆశ్చర్యానికి గురిచేసింది.




ఎన్నికలు దగ్గర పడుతున్న నేపథ్యంలో ఇద్దరు నేతలు రాజకీయంగా ఆచితూచి అడుగులు వేస్తున్నారు. అయితే ఇరు పార్టీల నాయకులు మాత్రం యధావిధిగా విమర్శలు చేసుకుంటున్నారు. అయితే విమర్శలు మాత్రం పెద్దగా ఘాటైన రీతిలో సాగటంలేదు. గతంలో అయితే ఇద్దరు నేతలు పరస్పరం చేసుకునే విమర్శలు తారాస్థాయిలో ఉండేవి. 

ప్రజల్లో చులకన అయిపోతున్నామన్న భావనతోనే ఇద్దరు నాయకులు విమర్శల్లో వెనక్కి తగ్గినట్లు తెలుస్తోంది. అయితే ఇదంతా ఎన్నికల ముందు జరిగే ఎన్నికల ప్రచారం వరకు మాత్రమేనని, ప్రచారంలో మాత్రం ఇద్దరు నేతలు ఒకరిపై ఒకరు తీవ్రస్థాయిలో ఆరోపణలు చేసుకోవడం ఖాయమంటున్నారు రాజకీయ విశ్లేషకులు. ఈ విమర్శలు మానడంపై రాజకీయ విశ్లేషకులు ఇది నిజంగానే బాబు, జగన్‌ల మధ్య ఏదయినా రహస్య ఒప్పందమేమోనంటూ సెటైర్లు వేస్తున్నారు.

Saturday, January 6, 2018

మీ పేరులో మీకు నచ్చిన ఇమేజ్ పెట్టుకోండి!

మీ పేరులో మీకు నచ్చిన ఇమేజ్ గాని, మీ ఫోటోని గాని పెట్టుకుని మీ ఫ్రెండ్స్ ని సర్ ప్రైజ్ చేయండి.అది చేయాలంటే నేను ఈ క్రింది వీడియోలో చూపిన విధంగా చేసి చూడండి. 


Friday, January 5, 2018

"విలన్‌"గా జబర్దస్త్‌ చమ్మక్ చంద్ర !

జబర్దస్త్‌తో చమ్మక్ చంద్రకు మంచి పేరే వచ్చింది. బుల్లితెరపైనే కాదు వెండితెర పైనా చమ్మక్ చంద్ర కొన్ని సినిమాలు చేస్తూ వచ్చాడు. కానీ పెద్ద అవకాశాలేవీ చమ్మక్ చంద్రకు రాలేదు. తాజాగా తమిళంలో చమ్మక్ చంద్రకు విలన్‌గా అవకాశం వచ్చింది. "సేయల్" అనే సినిమాలో చమ్మక్ చంద్ర విలన్‌గా నటిస్తున్నారు.

భారీ యాక్షన్ కథతో తెరకెక్కుతోంది సేయల్ సినిమా. దర్శకుడు రవి. గతంలో రవి భారీ విజయాలు సాధించిన సినిమాలనే తీశాడు. చమ్మక్ చంద్రకు రవి స్నేహితుడు. దీంతో చమ్మక్ చంద్రను ఈ సినిమాలో విలన్‌గా పెట్టాడు. నాకు విలన్‌గా చేయాలని ఎప్పటినుంచో ఉంది. ఆ కోరిక కాస్తా తమిళ సినిమాతో తీరిపోతోంది. విలన్‌గానే చేయమంటే చేయడానికి నేను సిద్థంగా ఉన్నానని చెబుతున్నాడు చమ్మక్ చంద్ర.

Thursday, January 4, 2018

అబ్బాయిలు ఎంత బాధ వచ్చినా ఎందుకు "ఏడవరో" తెలుసా?

సాధారణంగా ఏదైనా బాధ, కష్టం వస్తే కన్నీరు పెట్టుకుంటారు. కొన్నిసార్లు వెక్కివెక్కి ఏడుస్తుంటారు. అందులోను మహిళలయితే ఇక చెప్పాల్సిన పని వుండదు. ఆకాశానికి చిల్లు పడిందా అనే విధంగా వారి కళ్ళలో నుంచి నీళ్లు కారిపోతుంటాయి. కానీ అబ్బాయిలు మాత్రం ఎంత కష్టం వచ్చినా ఏడవరు. వారికి కష్టం వచ్చినా కంటి నుంచి కన్నీటి చుక్క ఎందుకు రాదో చాలామందికి తెలియదు.

అమ్మాయిలు, అబ్బాయిల్లోని భావ నియంత్రణపై పరిశోధనలు జరిపితే కొన్ని సరికొత్త విషయాలు బయటకు వచ్చాయి. ఈ పరిశోధనల్లో అమ్మాయిలు, అబ్బాయిల్లో మెదడు ఆకారం వేర్వేరుగా ఉంటుందని పరిశోధనలో తేలింది. అబ్బాయిల మెదడులో భావోద్వేగాలను అదుపులో ఉంచే భాగం 19 శాతం ఎక్కువగా ఉంటుందట. అందుకే అబ్బాయిల్లో ఏడుపును నియంత్రించే సామర్థ్యం ఉంటుందట. 

అందుకే మగవారు ఎమోషనల్‌గా పెద్దగా కనెక్ట్ అవ్వరని చెబుతున్నారు. అందుకే అబ్బాయిలు ఎంత బాధ వచ్చినా ఏడవరని పరిశోధనలో వెల్లడైంది. ఈ పరిశోధన 110 మందిపై చేసి ఒక నిర్థారణకు వచ్చారు. అదీ విషయం.

Wednesday, January 3, 2018

"చలికాలం"లో తీసుకోవాల్సిన ఆహారాలు?

చలికాలంలో జొన్నలు తినడం ద్వారా శరీరానికి పుష్కలమైన క్యాల్షియం లభిస్తుంది. దీనివల్ల కండరాలు బిగుసుపోకుండా ఉంటాయి. అంతేకాకుండా కీళ్ల నొప్పులు కూడా మాయమవుతాయి. రోగ నిరోధక శక్తి కూడా పెరుగుతుంది. కాబట్టి ఈ చలికాలంలో జొన్నతో చేసిన రొట్టె, జొన్నలతో చేసిన సంకటి తీసుకుంటే వ్యాధినిరోధక శక్తిని పెంచుకున్నట్లేనని ఆయుర్వేద నిపుణులు సూచిస్తున్నారు. 

అలాగే చలికాలంలో ఏర్పడే జలుబు, దగ్గును దూరం చేసుకోవాలంటే.. దానిమ్మను చలికాలంలో తినాలి. దానిమ్మ ఎర్ర రక్తకణాలు ఎక్కువగా ఉత్పత్తి అయ్యేలా చేస్తుంది. గుండె సంబంధిత వ్యాధుల నుంచి కూడా దానిమ్మ రక్షణనిస్తుంది. చలికాలంలో ఎక్కువగా వచ్చే శ్వాసకోశ వ్యాధుల నివారణలో కూడా దానిమ్మ అద్భుతంగా పనిచేస్తుంది. చలికాలంలో వెచ్చదనం కోసం నువ్వులు తీసుకోవడం ద్వారా శరీర ఉష్ణోగ్రత సక్రమంగా వుంటుంది. ఇంకా నువ్వుల్లో వుండే ఐరన్, క్యాల్షియం, మాంగనీస్, మెగ్నీషియం వంటి పోషకాలు లభిస్తాయి.

చలికాలంలో మధుమేహ వ్యాధిగ్రస్థులు కంద గడ్డలు తీసుకుంటే ఆరోగ్యానికి మేలు చేకూర్చినవారవుతారు. కందగడ్డల్లో పీచు పదార్థం పుష్కలంగా ఉంటుంది. జీర్ణశక్తిని పెంచుతుంది. మధుమేహం ఉన్నవారు వీటిని తింటే రక్తంలోని చక్కెర స్థాయిలు అదుపులో ఉంటాయి. ఇంకా చలికాలంలో వారానికి రెండుసార్లు పాలకూర తీసుకోవాలి. ఇందులో యాంటీ ఆక్సిడెంట్లు ఎక్కువగా ఉంటాయి. చలికాలపు వ్యాధులను నివారించడంలో ఇది చక్కగా పనిచేస్తుంది. ఐరన్ ఎక్కువగా ఉండి.. రక్తం పెరగడానికి దోహద పడుతుందని ఆరోగ్య నిపుణులు సూచిస్తున్నారు.

మొబైల్స్ పై భారీ డిస్కౌంట్స్
http://fkrt.it/kY0tHTuuuN

Monday, January 1, 2018

వచ్చే ఎన్నికల్లో "టిడిపి"ని గెలిపిస్తానంటున్న రఘువీరారెడ్డి !

కాంగ్రెస్ నేత అందులోను ఎపి కాంగ్రెస్‌కు అధ్యక్షులు ఇలా మాట్లాడమేంటి అనుకుంటున్నారా? అయితే ఇందులో ఒక పెద్ద చిక్కే ఉంది. తన సొంత నియోజకవర్గమైన అనంతపురం జిల్లాలోని కళ్యాణదుర్గంలో ప్రజలు ఎదుర్కొంటున్న సమస్యలపై ప్రభుత్వం దృష్టి సారించాలని డిమాండ్ చేస్తున్నారు రఘువీరారెడ్డి. అదే చేస్తే ఖచ్చితంగా వచ్చే ఎన్నికల్లో టిడిపిని గెలిపిస్తానంటున్నారు. రఘువీరారెడ్డి తాజాగా చేసిన వ్యాఖ్యలు ఆశ్చర్యాన్ని కలిగిస్తున్నాయి.

కళ్యాణదుర్గంలో గత  కొన్నినెలలుగా నీటి సమస్య అధికంగా ఉంది. ప్రభుత్వం ఏమాత్రం పట్టించుకోవడం లేదు. జనవరి 2వ తేదీ నుంచి జరిగే జన్మభూమి కార్యక్రమంలో తమ దృష్టికి తీసుకొస్తే ఖచ్చితంగా నీటి సమస్యను పరిష్కరిస్తామని స్థానిక టిడిపి నేతలు హామీ ఇస్తున్నారు. అయితే అదంతా నేను నమ్మను. నాకు మాటలు కాదు చేతలు కావాలి. 

కళ్యాణదుర్గంలో నీటి సమస్యను తీరిస్తే వచ్చే ఎన్నికల్లో ఈ నియోజకవర్గం నుంచి నేను పోటీ చేయను. నామినేషన్ కూడా వేయను. టిడిపి అభ్యర్థి గెలుపుకు దగ్గరుండి సపోర్ట్ చేస్తానంటూ ఇందిరమ్మ రాజ్యం - ఇంటింటా సౌభాగ్యం కార్యక్రమంలో రఘువీరారెడ్డి వ్యాఖ్యలు చేశారు. అయితే చెరువులను, అభివృద్థిని ఎలాగో ప్రభుత్వం చేయదు కాబట్టి రఘువీరారెడ్డి అంత ధైర్యంగా మాట్లాడారని కాంగ్రెస్ నాయకులు చెబుతున్నారు.