సాధారణంగా ప్రతి ఒక్కరూ వేడి నీటితో స్నానం చేసేందుకు ఇష్టపడతారు. మరికొందరు సీజన్‌కు అనుగుణంగా వేడి, చన్నీటితో స్నానం చేసేందుకు ఆసక్తి చూపుతారు. అయితే, వేడి నీటితో స్నానం చేసే వారు వ్యాయాయం చేయనక్కర్లేదట. ఈ విషయాన్ని లండన్ శాస్త్రవేత్తలు ప్రయోగపూర్వకంగా నిరూపించారు.
బాగా అలసిపోయి వచ్చినా.. తీవ్రమైన ఒత్తిడిలో ఉన్నా.. వేడినీటితో స్నానం చేస్తే మ‌న‌సు హాయిగా ఉంటుంది. నిజానికి వేడి నీటితో స్నానం చేయడం మంచి అల‌వాటే. పైగా, ఇది ఓ వ్యాయామంతో సమానమట. ప్రతిరోజూ వేడినీటితో స్నానం చేసే వారు గుండె సంబంధిత సమస్యలకు దూరంగా ఉండ‌వ‌చ్చని, అంతేగాక, రక్తపోటు, మధుమేహంవంటి రోగాలు సైతం త‌గ్గుముఖం ప‌డ‌తాయ‌ని వారు చెబుతున్నారు.
ఇందుకోసం 2,300 మందిపై పరిశోధన చేశారు. వీరి పరిశోధనలో 30 నిమిషాలు బ్రిస్క్‌వాక్ చేయించ‌డంతో 140 కేలరీలు ఖర్చయినట్లు, అనంత‌రం వారికి వేడినీటితో స్నానం చేయించిన‌ట్లు తెలిపింది. వేడి నీటితో స్నానం చేశాక కూడా 140 కేలరీలు ఖర్చయినట్లు వారు తెలిపారు. అయితే, శ్రమతో బ్రిస్క్ వాక్ చేయడం కంటే వేడి నీటితో స్నానం చేయడం ఉత్తమని లండన్ పరిశోధకులు తెలిపారు.
0 comments:
Post a Comment