"వెయ్యి సంపాదించినప్పటి ఆనందం ఇప్పుడు కోట్లు సంపాదించినా" లేదంటున్నహీరోయిన్ ?

సాధారణంగా సెలబ్రిటీలంటే ధనవంతులనే ప్రతి ఒక్కరు అనుకుంటారు. కానీ అది నిజం కాదు. సినీ పరిశ్రమలో ఎంతో మంది కష్టపడిపైకొచ్చినవారే. ఆకోవకు చెందిందే బొద్దుగుమ్మ సమంత. తెలుగు సినిమా ఇండస్ట్రీలోని టాప్ హీరోయిన్లలో ఒకరైన సమంత కోటి రూపాయలు దాటి రెమ్యునరేషన్ తీసుకుంటూ సక్సెస్ బాటలో పయనిస్తుందని అందరికి తెలిసిందే. అలాంటి సమంత ఇంత స్థాయికి రావడానికి చాలా కష్టపడిందట. డబ్బుల కోసం కూడా చాలా కష్టపడ్డానని తన మాటల్లో వివరించింది. 

 

ఆ విషయోలేంటో ఇప్పుడు  తెలుసుకుందాం..''నాకు పద్నాలుగేళ్లు వచ్చేసరికే డబ్బు సంపాదన మొదలుపెట్టా. ఏ చిన్న పని దొరికినా చేసేదాన్ని. పెద్దవారి ఇళ్లల్లో పెళ్లి జరుగుతున్నప్పుడు గుమ్మం దగ్గర నిలబడి అతిథులపై పన్నీరు చల్లే పనికి కూడా వెళ్లేదాన్ని. మూడు గంటలు నిలబడితే వెయ్యి రూపాయలు ఇచ్చేవారు. అలా కష్టపడి సంపాదించిన డబ్బును జాగ్రత్తగా భద్రపరుచుకునేదాన్ని. ఆ డబ్బులో ఆనందం కలిగేది. కానీ ఇప్పుడు కోట్లు, కోట్లు సంపాదించినా అప్పటి ఆనందం మాత్రం కలగడం లేదని చెప్పింది. నిజంగా సమంత గ్రేట్ సుమా!