CSS Drop Down Menu

Saturday, February 13, 2016

హరీష్ కి గేలం వేస్తున్నరేవంత్ రెడ్డి ?

తెలంగాణలో టీడీపీని బతికించుకోవడానికి ఆపార్టీ నేతలు నానా తంటాలు పడుతున్నారు. బాబు నుండి కూడా పెద్దగా ప్రచారం చేసి పైకి తేవడానికి ఇంట్రెస్ట్ చూపించడం లేదు. ఎందుకంటే ఏపీలో ఆయనకు ఊపిరి తీసుకోలేనంత పని ఉంది.  ఇక టీఆర్ఎస్ లో కీలకంగా ఉండి ఒకప్పుడు రేవంత్, ఎర్రబెల్లి లాంటి వాళ్లకు ఎర్త్ పెట్టిన హరీష్ దూరంగా ఉంటున్నారు. బయటి ప్రపంచానికి తెలియకపోయినా కేసీఆర్ ఫ్యామిలీలో అంతర్గతంగా ఏం జరుగుతుందనే విషయం పొలిటికల్ సర్కిల్ లో బాగానే తెలుసు. వచ్చే ఎన్నికల సమయంలో తెలంగాణ కాంగ్రెస్ లోకి హరీష్ వెళ్తాడని టాక్. ఆయన్ను కనీసం డిప్యూటీ సీఎంగా ప్రకటించినా వెళ్తారని అంతా అనుకుంటున్నారు. కానీ అదే హరీష్ ని టీడీపీలోకి లాగితే బాగుంటుందని రేవంత్ రెడ్డి ఆలోచిస్తున్నారట. బద్ద శతృవులుగా బయటి ప్రపంచానికి తెలిసినా…రేవంత్-హరీష్ ఇద్దరూ మాట్లాడుకుంటారు. రేవంత్ కూతురు పెళ్లికి…కేసీఆర్ కు ఇన్విటేషన్ ను పంపకపోయినా ఆయన స్వయంగా హరీష్ కి ఫోన్ చేసి రమ్మన్నారట. కార్డు పంపుతానంటే వద్దని అనడం వల్లే…వెనక్కి తగ్గారట. నేను వస్తే బాగోదని చెప్పారట.

ఇప్పుడు హరీష్ వస్తే కాంగ్రెస్ కంటే కూడా టీడీపీకే వచ్చే ఎన్నికల్లో స్కోప్ ఉంటుందని…భావిస్తున్నారట. సీఎం ఎవరు అవుతారనే విషయం పక్కన పెడితే…కేసీఆర్ ఆధిపత్యానికి గండికొట్టడానికి ఇది షార్ట్ కట్ అనుకుంటున్నట్లు సమాచారం. ఈమేరకు ఆయనతో కూడా చర్చించినట్లు టీడీపీలో ప్రచారం జరుగుతోంది. హరీష్ మాత్రం ఇలాంటి ప్రపోజల్స్ నా దగ్గర తేవద్దని కరాఖండిగా చెప్పారట. నేను టీఆర్ఎస్ ను వీడను. నాకు ఈ పదవి చాలని చెప్పినట్లు టాక్. అయినా ఇప్పుడు కాదు…బయటకు వచ్చే ఉద్దేశం ఉంటే…టీడీపీలోకి రావాలని కోరారట. చూద్దాంలే అది తర్వాత సంగతన్నారట. మొత్తానికి హరీష్ వస్తే తమ పార్టీ కి ప్లస్ అవుతుందనుకుంటున్నారట. కేసీఆర్ మీద కక్ష్య తీర్చుకోవడానికి రేవంత్ రెడ్డి మంత్రి హరీష్ కి గేలం వేస్తున్నట్లు కనిపిస్తోంది. అందుకే ప్రతి మీటింగ్ లో కూడా మేనల్లుడిని పక్కకు పెట్టి కొడుకుకు పెత్తనం ఇచ్చాడని రేవంత్ విమర్శిస్తున్నారు.

 

0 comments:

Post a Comment