CSS Drop Down Menu

Monday, December 28, 2015

కూతురి పాలిట "విలన్" గా మారనున్నహీరో ?

ఒకప్పుడు యాంగ్రీ యంగ్ మాన్ గా పేరు తెచ్చుకున్న రాజశేఖర్ కు గతకొద్ది కాలంగా అట్టర్ ఫ్లాప్ లే ఎదురవుతున్నాయి. ఎంతో కష్టపడి తీసినప్పటికీ కూడా ఫలితం లేకుండా పోతుంది. దీంతో ఇక హీరోగా తన స్థాయిని పక్కనపెట్టి, నటుడిగా మారాలని ప్రయత్నిస్తున్నాడు. విలన్ పాత్రలో నటించడానికి రాజశేఖర్ సిద్ధమవుతున్నాడు.

జగపతిబాబు తరహాలో విలన్ గా కొత్త ఇన్నింగ్స్ మొదలుపెట్టాలనే ప్రయత్నం చేస్తున్నాడు. ఇప్పటికే పలు సినిమాల్లో విలన్ గా నటించే అవకాశాలు వచ్చినప్పటికీ, రాజశేఖర్ ఏ సినిమాను కూడా ఒప్పుకోలేదు. ఇటీవలే రవితేజ హీరోగా తెరకెక్కుతున్న ‘ఎవడో ఒకడు’ సినిమాలో నెగెటివ్ పాత్రలో నటించాలంటూ దిల్ రాజు అడిగినప్పటికీ,... రాజశేఖర్ ఒప్పుకోలేదట. కానీ తాజాగా తన కూతురు సినిమాలో విలన్ గా నటించడానికి సిద్ధమవుతున్నట్లుగా తెలుస్తోంది.

రాజశేఖర్ పెద్ద కూతురు శివాని ‘వందకు వంద’ అనే సినిమాతో హీరోయిన్ గా ఎంట్రీ ఇస్తోంది. ఇందులో రాజశేఖర్ ఓ నెగెటివ్ పాత్రలో కనిపించనున్నాడని సమాచారం. మరి ఈ ‘వందకు వంద’ సినిమాతో అటు శివానికి, ఇటు రాజశేఖర్ కు ఎలాంటి సక్సెస్ ను అందించనుందో త్వరలోనే తెలియనుంది.

0 comments:

Post a Comment