ఏం తనివితీరా ఏడ్వడానికి కూడా లేదా..
ఏడ్వను కూడా ఏడ్వనివ్వరా... ఆ స్వేచ్ఛ కూడా నాకు లేదా అనే వాదించే వారు
చాలా మందే ఉంటారు. ఇలాంటి వారికి ఇక ఆ దిగులు లేదు. జపాన్ కు చెందిన ఓ
హోటల్ ఈ సౌకర్యాన్ని విలాసవంతంగా అందిస్తోంది. ఏడ్వడంలో కూడా విలాసం
ఉంటుందా.. అది కాదండీ బాబు కన్నీళ్ళు తుడుచుకోవడానికి టిష్యూ పేపర్లు వంటి
సౌకర్యాలు బోలెడు. వివరాలిలా ఉన్నాయి.
వెక్కివెక్కి ఏడవడానికి ఓ హోటల్.. మీ
మనసులో బాధంతా తీరిపోయేలా బోరుమనడానికో హోటల్. నిజం.. జపాన్‌లోని టోక్యోలో
ఉన్న మిత్సుయ్ గార్డెన్ హోటల్ ఇలాంటి సదుపాయాన్నే కల్పిస్తోంది. అదీ
మహిళలకు మాత్రమే సుమండీ. దీని కోసం ఆ హోటల్ ప్రత్యేకమైన గదులను
కేటాయించింది.
ఇందులో ఏడుపొస్తే.. తుడుచుకోవడానికి ఖరీదైన
టిష్యూలతోపాటు మనసును కదిలించేసి.. కన్నీళ్లు తెప్పించేసే సినిమాల
డీవీడీలు ఉంటాయట. ఇక మీ ఇష్టమన్నమాట. కావాల్సినంత సేపు కన్నీరు పెట్టొచ్చు.
ఈ ప్రత్యేక సదుపాయాన్ని పొందాలంటే రోజుకు రూ.5300 చెల్లించాల్సి ఉంటుంది.
ఇంకేం ఏడ్వాలంటే జపాన్ దారి పట్టండి.
0 comments:
Post a Comment