హీరోయిన్ ఛాన్స్ కోసం, సినిమాల్లో అవకాశాల కోసం ప్రయత్నిస్తున్న యువతలను, మహిళలను లోబరుచుకుని తమ కామ వాంఛ తీర్చుకునే కొందరు నిర్మాతలు, దర్శకులు వ్యవహారాలు తరచూ బయట పడుతున్న సంగతి తెలిసిందే. తాజాగా ఓ నిర్మాత ఏకంగా తన సినిమాలో హీరోయిన్‌గా నటించే యువతిపై అత్యాచారానికి పాల్పడ్డ సంఘటన వెలుగులోకి వచ్చింది. ఆ కామాంధ నిర్మాతపై ధైర్యంగా పోలీసులను ఫిర్యాదు చేసింది. వివరాల్లోకి వెళితే...
ముంబై పోలీసుల కథనం ప్రకారం, రమేష్ సింగ్ అనే మరాఠీ సినిమా ప్రొడ్యూసర్ 33 సంవత్సరాల ఓ యువతికి తన తర్వాతి సినిమాలో ఛాన్స్ ఇస్తానని మాటిచ్చాడు. పూణెకు చెందిన సదరు మహిళ నార్త్ ముంబైలోని గురెగాన్ ప్రాంతంలో ఒంటరిగా నివసిస్తోంది. ఇటీవల ప్రొడ్యూసర్ రమేష్ సింగ్ ఆమెకు ఫోన్ చేసి కలిసి లంచ్ చేద్దామని, అదే విధంగా సినిమా అగ్రిమెంటుకు సంబంధించిన అమౌంట్ సెటిల్ చేస్తానని ఆమెను పిలిపించాడు. ఆమె తన వద్దకు వచ్చాక ఫైనాన్సియర్ దహిసర్ ప్రాంతంలోని గెస్ట్ హౌస్‌లో ఉన్నాడని నమ్మించి అక్కడికి తీసుకెళ్ళాడు. తనను అక్కడికి తీసుకెళ్లాక సింగ్ రేప్ చేసాడని సదరు మహిళ కంప్లైంట్ చేసిందని ఓషివరా పోలీస్ స్టేషన్ పిఎస్‌ఐ విజయానంద్ తెలిపారు. ఆ దారుణం జరిగిన తర్వాత అపార్టు‌మెంటుకు చేరుకున్న సదరు మహిళ పూణెలోని తన పేరెంట్స్‌కు ఫోన్ చేసి విషయం చెప్పిందని, పేరెంట్స్ సలహా మేరకు ఫిర్యాదు చేసారని పోలీసులు వెల్లడించారు. ఫిర్యాదు మేరకు పోలీసులు నిర్మాత రమేష్ సింగ్‌‍ను అరెస్ట్ చేసారు.
0 comments:
Post a Comment